Sa është i rëndësishëm pavarësimi i fëmijëve dhe përkrahja në vendimet e tyre

Dhënia e pavarësisë së fëmijëve pas moshës 18 vjeç është një pjesë e rëndësishme e zhvillimit dhe rritjes së tyre deri në moshën madhore. Në këtë moshë, të rinjtë konsiderohen ligjërisht të rritur dhe pritet të marrin më shumë përgjegjësi për jetën e tyre. Këtu janë disa arsye pse është e rëndësishme t’i jepni fëmijëve pavarësinë pas 18 vjetësh:

Nxit përgjegjësinë, ndërton vetëbesim, zhvillon aftësitë e jetës, nxit marrëdhënie të shëndetshme, mbështet rritjen personale.

Ndërsa prindërit mund të luajnë ende një rol mbështetës në jetën e fëmijës së tyre, është e rëndësishme të pranohet se të rinjtë kanë nevojë për hapësirë dhe pavarësi për të lulëzuar.

Por, çfarë ndodh në realitetin shqiptar. Duket se kur fëmijët arrijnë moshën 18 vjeçare prindërit përpiqen që të shtrijnë ndikimin duke mos i lejuar pavarësinë e plotë dhe përzierjen në jetën private, profesionale e emocionale, në vecanti ndaj vajzave. Një rast i tillë I komentuar gjatë në media ishte hyrja e këngëtarit shqiptar Sabiani për herë të dytë në Big Brother VIP Albania.

Sabiani vetë pranoi se hyri për të kontrolluar në një farë forme lidhjen që vajza e tij Kejsi nisi me njërin nga banorët e shtëpisë së famshme, Kristi Aliaj.

Sabiani me të hyrë në reality shoë tha se nga që presioni I madh social jashtë, ishte shqetësuar tej mase nga lidhja e vajzës së tij e cila monitorohej nga dhejtëra kamerat brenda shtëpisë.

Ai qëndroi disa ditë në shtëpi për t’u eliminuar të martë, gjë që solli edhe nj lehtësim të madh të Kejsit e cila e pranoi këtë në prime-n e së martës.

“Ndjehem mirë, ndjehem e lehtësuar tash, ndjehem si më parë,” tha ajo.

Kanë qenë të shumtë ata që kanë kritikuar sjelljen e Sabianit.

Nëna e Kristi Aliajt në nje reagim publik ka thënë se fëmijët pajisen me edukatë për tu bërë të pavarur dhe të bëjnë zgjedhjet e tyre në jetë, pra ndryshe nga Sabiani që po ndërhyn në zgjedhjet e vajzës së tij.

“Ne i rrisim fëmijët tanë dhe i pajisim ata me edukimin, ndjenjën e qëllimit dhe qëndrimin që u nevojiten për të lulëzuar dhe formuar botën e tyre! Me aftësitë dhe vlerat e tyre ata bëhen të pavarur dhe bëjnë zgjedhjet e tyre në jetë. Kjo duhet të na bëjë krenarë!

Ka momente në jetë kur po përballemi me sfida të paprecedentë, situata që nuk përfaqësojnë vlerat tona. Në këto raste përgjigja më e mirë është qetësia, ekuilibri dhe mirëkuptimi. Krenar për ty Kristi”, ka thënë Mimoza Aliaj.

Nga ana tjetër as Kristi nuk e ka pritur mirë hyrjen e Sabianit në shtëpinë e Big Brother Vip Albania. Në një bisedë me banorët e tjerë, ai është shprehur se hyrja e Sabianit është shumë presion për të.

“Nuk jam mësuar me këtë. Nuk është çështje përballimi, çështja është ça do bësh? Është shumë, është presion mbi mua dhe mbi atë vetë. Kupton? Unë jam dakord që duhet ta marr seriozisht, jam shumë dakord, por kjo është nivel tjetër. Kemi 8 ditë që jemi bashkë”, tha Kristi.

Moderatorja e famshme shqiptare Fatma Haxhialiu e ka quajtur një shembull te keq të kontrollit prindëror që ua mohon pavarësinë vajzave në Shqipëri./Katror.info