Salsa verore me bostan; salsa që kombinohet me ushqim meksikan

Kuzhina meksikane asht nji ndër kuzhinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. Madje, specialitetet si tacos, fajitas, tortillas, enchiladas, nachos, burritos, tamales vështirë se paramendohen t’servume pa ndonji salcë pikante.

Contents

N’qoftë se je t’u u përgatit’ për nji drekë a darkë plot shije meksikane dhe je n’kërkim t’recetave freskuese, por edhe me dal pak prej shijeve t’zakonshme, atëherë asht koha që ti me e provu salsa-n verore me bostan, salsa kjo që gërsheton n’mënyrë ideale shijen e bostanit me përbërësit e tjerë t’tipik t’salsave meksikane.PËRBËRËSIT:HAPI 1:HAPI 2:REZULTATI:

N’qoftë se je t’u u përgatit’ për nji drekë a darkë plot shije meksikane dhe je n’kërkim t’recetave freskuese, por edhe me dal pak prej shijeve t’zakonshme, atëherë asht koha që ti me e provu salsa-n verore me bostan, salsa kjo që gërsheton n’mënyrë ideale shijen e bostanit me përbërësit e tjerë t’tipik t’salsave meksikane.

PËRBËRËSIT:

1/2 bostan (i prerë n’kubëza t’holla)
1 kastravec anglez (i prerë n’kubëza t’vogla)
1 qepë e kuqe (e prerë n’kubëza t’vogla)
1 avokado (e prerë n’kubëza t’vogla)
Langu i shtrydhun i 1 limete
1 spec halapeno / i djegëst (i prerë imët)
1 tufë magdanoz (e grirë)
1 lugë gjelle erëza pikante meksikane
Rriska limete (për servim)

HAPI 1:

Vendosi t’gjithë përbërësit n’pjatë t’thellë dhe sipër shto langun e shfrydhun t’limetës.

HAPI 2:

fillo me lugë me e përzi masën mirë dhe sigurohu që t’gjithë përbërësit kanë marrë pak nga erëzat meksikane dhe shija e limetës. Leje salsa-n me u ftohë për 15 minuta n’frigorifer dhe servo.

REZULTATI:

Servoje salsa-n me rriska limoni sipër për nji shije autentike, e bashkangjita këtë salsa drekave e darkave meksikane, sidomos nëse përgatit’ fajitas me karkaleca dhe perime – meqë kombinohen shijet mirë me njana tjetrën.

Ndërkaq, si paragjellë apo ushqim për me grickatë, mundesh me e shoqnu këtë salsa me çipsa tortille, njilloj sikurse shoqnohen edhe salsat e tjera meksikane siç asht salsa virale e mistrit, salsa pikante meksikane, apo salsa me avokado dhe karkaleca.

Biles, nëse veç ke merak me e shoqnu vaktin meksikan edhe me ndonji koktell meksikan përgjatë këtyre ditëve t’nxehta verore, atëherë receta e margarita-s klasike dhe ajo e strawberry margarita-s janë recetat e duhuna për ty. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria