Departamenti amerikan i Shtetit është duke u përgatitur për të mbyllur një numër të konsullatave, shumica prej tyre në perëndim të Evropës. Ato thuhet se do të mbyllen gjatë muajve të ardhshëm.
Sipas disa zyrtarëve gjithashtu janë duke u bërë përpjekje që të shkurtojë fuqinë punëtore në të gjithë botën, ka raportuar “The Guardian”, transmeton KOHA.
Po ashtu Departamenti i Shtetit është duke tentuar që potencialisht të bashkojë një numër të byrove të ekspertëve në selinë e saj në Washington, që punojnë në fusha si të drejtat e njeriut, refugjatët, drejtësia penale globale, problemet e grave dhe përpjekjet për të luftuar trafikimin e njerëzve.
Agjencia e lajmeve “Reuters” ka raportuar se muajin e kaluar, misioneve nga SHBA-ja u ishte kërkuar që të shikonin mundësinë e reduktimit të punëtorëve lokalë ose nga SHBA-ja më së paku deri në 10%, pasi presidenti Donald Trump dhe këshilltari i tij multimiliarder Elon Musk kanë filluar një përpjekje të paprecedentë për të tkurrur koston në fuqinë punëtore federale të SHBA-së.
Mundesh me e lexu edhe…
Trumpi dhe Musku thonë se qeveria e SHBA-së është shumë e madhe dhe ndihma e financuar nga taksapaguesit amerikanë është shpenzuar në mënyrë të pakujdesshme.
Konsullatat në Leipzig, Hamburg dhe Dusseldorf në Gjermani, Bordeaux dhe Strasbourg në Francë, dhe Florence në Itali, ishin pjesë e listës së konsullatave më të vogla që Departamenti i Shtetit është duke konsideruar t’i mbyllë, sipas tre zyrtarëve, duke shtuar se kjo mund të ndryshoj pasi një pjesë e stafit është duke shqyrtuar nëse ka arsye të forta që ato të qëndrojnë të hapura.
Zyrtarët kanë deklaruar se Departamenti i Shtetit të hënën ka njoftuar Kongresin se planifikon të mbyllë degën e saj në qytetin juglindor të Gaziantepit në Turqi, vend nga ku Washingtoni ka mbështetur punën humanitare në Sirinë veriore.
Departamenti operon në më shumë se 270 misione diplomatike në të gjithë botën me fuqi punëtore gati 70,000 persona, sipas webfaqes zyrtare./Katror.info
Përgatiti:
