Drejtoresha Menaxhuese e Fondit Monetar Ndërkombëtar (FMN), Kristalina Georgieva, ka reaguar pas njoftimit për vendosjen e tarifave të reja nga Shtetet e Bashkuara të Amerikës, duke paralajmëruar për pasoja serioze në ekonominë globale, shkruan Katror.info.
Në një deklaratë për media, Georgieva theksoi se FMN-ja është ende duke analizuar ndikimet makroekonomike të këtyre masave, por shtoi se ato “qartësisht përfaqësojnë një rrezik të rëndësishëm për perspektivën globale në një kohë të rritjes së ngadaltë”.
“Është e rëndësishme të shmangen hapat që mund të dëmtojnë më tej ekonominë botërore,” tha ajo, duke u bërë thirrje SHBA-së dhe partnerëve të saj tregtarë që të punojnë në mënyrë konstruktive për të zgjidhur tensionet tregtare dhe për të reduktuar pasigurinë në tregjet ndërkombëtare.
Mundesh me e lexu edhe…
Georgieva njoftoi gjithashtu se FMN do të ndajë analizat e detajuara të ndikimit të tarifave në Perspektivën Ekonomike Botërore, që do të publikohet gjatë Takimeve Pranverore të FMN-së dhe Bankës Botërore më vonë këtë muaj.
Deklarata vjen në një kohë të ndjeshme për ekonominë globale, e cila po përballet me sfida të shumta përfshirë inflacionin e vazhdueshëm, ngadalësimin e rritjes dhe pasigurinë gjeopolitike./Katror.info
Përgatiti:
