Një seri sesioneve intensive janë zhvilluar me sukses këto ditë, me qëllim fuqizimin e organizatave të shoqërisë civile (OShC) drejt një qeverisjeje më të hapur, gjithëpërfshirëse dhe të digjitalizuar. Aktiviteti u organizua në partneritet me #WomenInTechKosova dhe mblodhi së bashku përfaqësues të OShC-ve, institucioneve publike dhe ekspertë të fushës së teknologjisë dhe politikave publike.
Gjatë punëtorive u trajtuan tema kyçe për të ardhmen e qeverisjes dhe përfshirjes qytetare, si:
strategjitë efektive të avokimit për qeverisje të hapur dhe transformim digjital;
Mundesh me e lexu edhe…
ndikimi i ndarjeve digjitale në akses dhe përfshirje shoqërore;
dhe zbatimi i Aktit për Shërbime Digjitale (DSA).
Pjesëmarrësit dolën nga këto sesione me mjete praktike dhe ide konkrete për të fuqizuar fushatat e tyre në terren, duke shtyrë përpara politika më gjithëpërfshirëse dhe transparente. Një nga theksimet kryesore të diskutimeve ishte nevoja që Kosova dhe rajoni i Ballkanit Perëndimor të harmonizohen me Aktin për Shërbime Digjitale të Bashkimit Evropian – një hap vendimtar drejt ndërtimit të një mjedisi digjital më të sigurt dhe të drejtë për të gjithë qytetarët.
Ky aktivitet u zhvillua në kuadër të projektit “Përfshirja Digjitale për OShC-të dhe Angazhimin Qytetar në Bashkëpunimin Rajonal (DIGI-CORE)”, që implementohet nga QSNN, Edutask dhe Blink 42-21. Projekti mbështetet nga iniciativa SMART Balkans, e zbatuar nga CPCD, IDM dhe CRPM, dhe financuar nga Ministria e Punëve të Jashtme e Norvegjisë (NMFA)./Katror.info
