Pas dy xhirove të para të kualifikimeve për Kupën e Botës 2026, Grupi B ka marrë formën e parë dhe Kosova ndodhet në vendin e dytë.
Zvicra kryeson grupin me pikë të plota (6), pasi ka fituar të dyja ndeshjet, duke shënuar plot shtatë gola dhe pa pësuar asnjë. Helvetët konfirmojnë edhe një herë statusin e favoritëve kryesorë për kreun e grupit.
Në vendin e dytë gjendet Kosova me 3 pikë, pas humbjes 4-0 ndaj Zvicrës dhe fitores së madhe 2-0 ndaj Suedisë në stadiumin “Fadil Vokrri”. Me këtë fitore, Dardanët jo vetëm morën frymëmarrje pas startit të vështirë, por u futën fuqishëm në garë për kualifikim.
Mundesh me e lexu edhe…
Suedia dhe Sllovenia janë surprizat negative të këtij fillimi. Të dyja skuadrat kanë vetëm nga një pikë në dy ndeshje, me suedezët që kanë barazuar një herë dhe humbur një tjetër, ndërsa edhe sllovenët kanë regjistruar një humbje e një barazim.
Në këtë fazë, situata mbetet e hapur, por Kosova ka treguar se mund të rivalizojë seriozisht për një nga vendet që të çojnë drejt Kampionatit Botërorit.
Me moralin e lartë dhe mbështetjen e madhe të tifozëve, skuadra e Franco Fodas ka fituar një shtysë të madhe për ndeshjet e ardhshme.
Përgatiti:
