Pas pak nis nata e parë e edicionit të dytë të Festivalit të Këngës në Radiotelevizionin e Kosovës.
Transmetimi ka filluar në ora 20:10 me pritjen e të ftuarve në tepihun e kuq të Pallatit të Rinisë, ndërsa festivali do të hapet në ora 21:00.
Në edicionin e parë, triumfoi La Fazani me këngën “Oj Kosovë”, derisa këtë vit pritshmëritë janë të larta për performancat e artistëve që do të konkurrojnë për çmimet e festivalit.
Mundesh me e lexu edhe…
“Fest 2” do të sjellë në garë 16 këngë, të cilat synojnë të fitojnë çmimet kryesore. Ashtu si në edicionin e kaluar, edhe këtë vit janë paraparë surpriza për publikun, e ku pa dyshim ndër momentet e veçanta të kësaj mbrëmje muzikore do të jetë performanca e këngëtares së njohur shqiptare Aurela Gaçe.
Festivali do të udhëhiqet nga kantautori Genc Salihu, bashkë me aktoren Drita Kabashi.
Ngjarja do të transmetohet drejtpërdrejt në RTK 1, Radio Kosova dhe në platformat digjitale të transmetuesit publik, duke ofruar mundësi të gjerë për ndjekjen e këtij eventi nga të gjithë.
Festivali do të zgjasë tri ditë, më 24, 25 dhe 26 tetor 2024./Katror.info
Përgatiti:
