Sot bëhen 17-vjet nga miratimi i Kushtetutës së Republikës së Kosovës.
Kushtetuta e Kosovës u ratifikua më 9 prill 2008 dhe hyri në fuqi më 15 qershor 2008. Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit, transmeton Katror.info.
Pjesa më e madhe e kësaj kushtetute rrjedh nga Plani i ish-presidentit Martti Ahtisaarit, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.
Mundesh me e lexu edhe…
Kushtetuta e definon Kosovën si një shtet me pikëpamje neutrale ndaj fesë – neni 8. Ajo ka 14 kapituj dhe 162 nene.
Akademiku Arsim Bajrami, që ka qenë një nga hartuesit e Kushtetutës, ka vlerësuar për RTK se Kushtetuta e Kosovës është ndër më të fortat në Evropë për sa i përket mënyrës së ndërtimit.
“Kushtetuta e Kosovës është ndër më të fortat në Evropë, për çfarëdo rishikimi qoftë edhe ai formal a teknik, me shtua një presje, do të duhej tre konsensuse. E para politik i të gjitha partive, e dyta ndëretnik që do të duhej të negociohej me deputetët që kanë ulëset e garantuara dhe e treta edhe pse në vitin 2011 është hequr pavarësia e mbikëqyrur, ne s’mund të bëjmë ndryshime të njëanshme esenciale”, ka thënë Bajrami në RTK.
Bajrami, i cili ka qenë një nga hartuesit e Kushtetutës së Kosovës, ka shtuar se sanksionet kushtetuese janë politike dhe i referohen të tre pushteteve.
“Kushtetuta është e ndërtuar mbi dy premisa: e para është që ka lindur dhe ka njohur një shtet të ri ndërkombëtarisht, kjo është në favor të shqiptarëve sepse për herë të parë bashkësia ndërkombëtare ka njohur një shtet si të pavarur si një rast ‘sui generis’ i shtetndërtimit. Premisa e dytë është trajtimi ekstra kushtetues i pakicave, sidomos për pakicën serbe”, ka thënë ai.
9 Prilli është zyrtarisht festë shtetërore në Kosovë që do të thotë se institucionet sot e kanë ditë pushimi./Katror.info
Përgatiti:
