Të gjithë fermerët do të kenë mundësinë të aplikojnë për Programin e Pagesave Direkte/Subvencione 2025, pasi thirrja do të hapet brenda dy javësh, shkruan Katror.info.
Kështu ka njoftuar Ministri i Bujqësisë, Faton Peci përmes rrjeteve sociale.
Gjithashtu janë bërë përpjekje për ta rritur transparencën dhe meritokracinë, procesi i subvencionimit këtë vit do të monitorohet me teknologji të avancuar, përfshirë përdorimin e imazheve satelitore. Kjo qasje do të mundësojë verifikimin e saktë të çdo prone bujqësore, duke siguruar një proces të drejtë dhe duke minimizuar mundësitë për abuzim.
Mundesh me e lexu edhe…
“Këtë vit kemi bërë një hap shumë të rëndësishëm drejt forcimit të transparencës dhe meritokracisë, pasi procesi i subvencionimit do të monitorohet me teknologjinë më të avancuar, përfshirë imazhet satelitore të fundit”, njoftoi Ministri Faton Peci.
Fermerët inkurajohen të përgatiten për aplikim dhe të përfitojnë nga mbështetja e ofruar përmes këtij programi, i cili synon të kontribuojë në zhvillimin e mëtejshëm të sektorit bujqësor në vend./Katror.info
Përgatiti:
