Sunny Hill Festival nuk është thjesht një festival është një përjetim. Në skenën e secilës, e kaluara, e tashmja dhe e ardhmja e muzikës takohen për të krijuar një histori që nuk harrohet.
Çdo vit, Prishtina shndërrohet në një skenë ku artistët më të mëdhenj ndërkombëtarë dhe talentet më të mirë vendorë bashkojnë fuqitë për të krijuar momente të paharrueshme. Nga hip-hopi te pop-i, nga elektronika te rock-u, çdo zhanër gjen vend në këtë festival që ka bërë jehonë përtej kufijve.
Përfaqësuesi i festivalit Alban Kastrati gjatë një bisede për Albanian Post theksoi se ekipi i Sunny Hill Festival është gjatë gjithë vitit i angazhuar për të ofruar përvojën më të mirë për pjesëmarrësit.
Mundesh me e lexu edhe…
Si do duket ky edicion? A do te ndryshoj organizmi i hapësirës? Puna shihet çartë pasi këtë edicion publikuan datat më herët se kurrë më parë.
“Kjo na mundëson që njerëzit nga dhjetëra vende të ndryshme të botës t’i bëjnë planet e tyre me kohë, që të jenë prezent në Sunny Hill Festival. Prandaj, ky edicion shënon një fillim të ri, të një përvojë të re dhe të pakrahasueshme të cilën do ta pasurojmë për çdo vit” u shpreh ai.
Por çfarë në të vërtet e dallon këtë edicion nga vitet paraprake.
“Edicioni i ri i Sunny Hill Festival do të sjell risi të shumta, përfshirë edhe skenat e reja, artistët e rinj, investime të reja infrastrukturore dhe hapësira të reja të gatshme për tu shijuar maksimalisht nga të gjithë pjesëmarrësit. Brenda pak javëve, do të vijmë me njoftime të reja, të shumëpritura nga të gjithë”, theksoi organizatori.
Vitin e kaluar, për të dytën herë me radhë, Sunny Hill Festival është nominuar si njëri ndër Top 10 Festivalet më të mira në Evropë (ESNS, Shoqata Evropiane e Festivaleve te Muzikes) dhe njëri ndër 25 festivalet më të mira të cilat nuk duhet humbur gjatë vitit.
Por Sunny Hill Festival është më shumë se vetëm muzikë—është një lëvizje kulturore, një simbol i një Kosove të re, të hapur dhe të guximshme. Një histori suksesi që filloi me një ëndërr dhe sot është një nga festivalet më të rëndësishme në rajon, duke e vendosur Prishtinën në hartën botërore të eventeve të mëdha.
Ky festival është për ata që besojnë se muzika mund të ndryshojë një qytet, një brez, një realitet. Është për ata që duan të jenë pjesë e një momenti që mbetet gjatë, shumë gjatë, edhe pasi dritat e skenës fikën./Katror.info
Përgatiti:
