Supat e shtëpisë janë ushqim ideal në kohët e vranëta e me shi, sidomos nëse janë të marume me perime t’freskëta. Për ma tepër, ato janë nji mënyrë e mirë dhe e shnetshme me ju shmangë virozave e gripave, por edhe me i shëru ato. E n’ditë vjeshte si këto t’fundit, a ka ma mirë se me pasë para vehtes nji pjatë t’nxehtë me nji supë plot shije?! S’ka.
Nëse deri tash nuk t’ka rastisë me provu supën me bizele – tash asht koha ideale për me e ba nji gja t’tillë. E nëse veç je ka e mendon sa mundet me qenë e lodhshme me e përgatitë nji supë t’tillë, ne po ta hjekim këtë gajle, meqë kjo recetë asht bajagi e lehtë.
PËRBËRËSIT:
1 qepë (e grirë imët)
1 karrotë (e grirë n’kube t’imëta)
1 trup selino (e grirë imët)
2 thelpinj hudhër (t’imtësume)
400 gr bizele t’ngrira
1 l ujë i vlumë me 2 kube supe vegjetariane
2 gjethe trumzë
1 lugë gjelle orgegano
4 lugë gjelle vaj ullini
HAPI 1:
N’tenxhere shto vajin e ullinit dhe perimet e grira imët e kavërdisi ato mirë për 5 minuta. Shto bizelet e ngrira, erëzat dhe supën e krijume prej kubëzave t’supës.
HAPI 2:
Ziji perimet për 20 minuta. Merre nji peharë ose filxhan dhe vendosi 2 njësi (pehar ose gota) n’blender e bluji mirë. Ktheje masën e plume n’tenxhere me pjesën tjetër t’supës. Zije masën për 5 minuta t’tjera dhe servo,
REZULTATI:
Servoje supën me pak bukë t’rreshkun ose me keksa t’njelbët. Nëse don me marrë supën t’nesërmen n’punë, vendose n’tegëll ose n’shishe t’xhamit e ruje n’frigorifer. Shkunde tegllën / shishen para se me servu supën dhe lirisht nxeje n’mikrovalë. Nëse supa ruhet n’frigorifer n’enë t’xhamit qëndron për 3-4 ditë e mirë. Pra, mundesh me përgatitë ma shumë e me pi sa herë t’kesh qejf këtë super-supë e me u kënaqë krejt.
E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me speca t’kuq – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
