Iniciativa qytetare “Kosova Bojkoton” ka shpalosur të enjten një çarçaf me mbishkrimin “15 MARS, KOSOVA BOJKOTON, TË GJITHA SUPERMARKETET”, duke paralajmëruar aksionin e tyre të radhës për Ditën Ndërkombëtare të Konsumatorit.
Kjo nismë është pjesë e një bojkoti rajonal, i organizuar në bashkëpunim me grupe nga vende të tjera të Ballkanit, me qëllim ndërgjegjësimin për fuqinë e konsumatorit dhe adresimin e shqetësimeve rreth çmimeve të produkteve, raporton Ekonomia Online
Xhevat Kastrati, anëtar i kësaj Iniciative, tha se u bëjnë thirrje qytetarëve që t’i bashkohen këtij bojkoti duke treguar fuqinë blerëse kështu duke u dërguar mesazh marketeve dhe qeverisë që janë të pakënaqur me çmimet e larta.
Mundesh me e lexu edhe…
“Kemi marr si nismë punën e rritjes së çmimeve edhe një lloj proteste përmes bojkotit që jemi duke e organizuar. Thirrja për qytetarët është që të bashkohen me ne dhe të ngrisin zërin edhe përmes një bojkotit të tregojnë fuqinë tonë blerëse për shkak se kur të gjithë bashkohemi në bojkot ne dërgojmë një mesazh te marketet, qeveria që jemi shumë të pakënaqur dhe po ashtu e bëjmë një lloj presioni shoqëror për të pasur një reagim. Kemi pasur përkrahej shumë enorme në rrjetet tona sociale, mirëpo nuk i kemi të dhënat e sakta sa ka pasur përkrahje në terren, po shpresoj që tash kemi marr ma shumë përkrahje, kjo është për të mirën e përbashkët”, tha Kastrati.
Bojkoti si reagim rajonal
Protesta kundër rritjes së çmimeve fillimisht nisi në Kroaci, ku qytetarët vendosën të bojkotojnë supermarketet. Lëvizja “Përshëndetje Inspektor” organizoi një bojkot njëjavor, që uli shitjet me 50% dhe detyroi rrjetin më të madh të marketeve, Konzum, të ulte çmimet e 250 produkteve. Gjithashtu, qeveria kroate caktoi ulje për 70 produkte të tjera.
Shembulli kroat u ndoq edhe nga qytetarët e Serbisë, Maqedonisë së Veriut, Malit të Zi, Bosnje e Hercegovinës dhe Sllovenisë. Ata po i bëjnë thirrje konsumatorëve të mos blejnë produkte specifike dhe, në raste të caktuara, të mos blejnë fare për një ditë të tërë./Katror.info
Përgatiti:
