Real Madridi do të zbresë sot në fushë përballë Osasunës në kampionat, me synimin për të ruajtur kreun e renditjes. Në konferencën për shtyp, trajneri Carlo Ancelotti shprehu optimizmin për këtë sfidë, duke theksuar se skuadra është në formë të mirë pas transfertës së suksesshme në Manchester, shkruan Katror.info.
“Jemi të motivuar dhe kjo është një mundësi e rëndësishme për të konfirmuar momentin tonë pozitiv,” u shpreh Ancelotti, duke nënvizuar rëndësinë e vazhdimësisë në rezultate.
Lidhur me rolin e Jude Bellingham në ekip, tekniku italian e vlerësoi mesfushorin e ri si një lider natyral: “Ka personalitet dhe karakter të fortë. Edhe pse i ri, ai tashmë po tregon cilësitë e një lideri brenda skuadrës.”
Mundesh me e lexu edhe…
Sa i përket rikuperimit të Rüdiger dhe Alaba, Ancelotti konfirmoi se të dy lojtarët po përmirësohen dhe pritet të jenë të gatshëm për ndeshjen e kthimit ndaj Manchester Cityt. “Do të stërviten individualisht deri të hënën dhe pastaj do të jenë në dispozicion,” shtoi ai.
Tekniku i “Los Blancos” gjithashtu komentoi situatën e Vinicius Jr., duke pranuar se është i lodhur nga polemikat rreth tij, por nuk sheh ndonjë shqetësim brenda skuadrës. “Ai është i lumtur dhe i motivuar. Kundër Cityt ishte nën presion, por bëri diferencën,” tha Ancelotti.
Me skuadrën në formë dhe të përqendruar, Real Madridi synon të marrë një tjetër fitore të rëndësishme dhe të ruajë avantazhin në garën për titull./Katror.info
Përgatiti:
