Këtë verë, treni i parë i udhëtarëve i Amerikës së Veriut me energji hidrogjeni filloi qarkullimin në Kanada.
Treni francez është një demonstrim afatshkurtër, që do të thotë se do të funksionojë deri në fund të shtatorit me qëllimin për të “filluar” adoptimin në Kanada dhe SHBA, transmeton CBC.
“Mendoj se gjëja më e rëndësishme është se do të rritet ndërgjegjësimi i njerëzve, të cilët do të mësohen me këtë teknologji”, tha Robert Stasko, drejtor i Këshillit të Biznesit të Hidrogjenit në Ontario.
Mundesh me e lexu edhe…
Treni udhëton nga Montmorency Falls në Quebec City në Baie-Saint-Paul, një udhëtim që zgjatë dy orë e gjysmë. Linja është planifikuar nga e mërkura deri të shtunën deri më 30 shtator dhe shpejtësia maksimale e trenit është 140 km/h dhe mund të transportojë njëkohësisht deri në 120 udhëtarë në dy vagonët e tij.
Kompania franceze Alstom, e cila prodhoi trenin, tha se përshpejtimi dhe performanca e frenimit ishin të krahasueshme me trenat standardë me naftë, por në këtë rast nuk kishte asnjë emetim. Shumica e vendeve evropiane përdorin trena me shina elektrike ose tela ajrore, por trenat me hidrogjen janë idealë për vende si fshatrat kanadeze ku distancat janë të gjata dhe numri i udhëtarëve relativisht i vogël, shkruan Katror.info.
I njëjti model treni, Coradia iLing, është përdorur tashmë në tetë vende evropiane dhe 14 kanë funksionuar në Gjermani që nga viti i kaluar. Alstom filloi testimin e trenave të saj në vitin 2018 dhe ka kontrata shtesë në Gjermani, Itali dhe Francë. Klientët evropianë porositën gjithsej 41 trena.
Coradia iLint përdor rreth 50 kilogramë hidrogjen në ditë, dhe për të njëjtin udhëtim një tren me një motor standard do të përdorte rreth 500 kilogramë naftë. Treni i hidrogjenit lëshon vetëm avujt e ujit si nënprodukt i kombinimit të hidrogjenit dhe oksigjenit në qelizën e karburantit në procesin e krijimit të energjisë, shkruan Katror.info.
Megjithatë, fakti është se një kamion me naftë nevojitet për të transportuar hidrogjenin në tren sa herë që ka nevojë për karburant dhe do të ishte ideale që hidrogjeni të prodhohej në vend. Qëllimi afatgjatë është promovimi i idesë në mënyrë që treni i hidrogjenit të pranohet në rajone të ndryshme të Amerikës së Veriut. / Katror.info
Përgatiti:
