Presidenti Donald Trump ka thënë se administrata e tij do të rrisë buxhetin e Pentagonit në 1 trilion dollarë, një rekord i lartë për ushtrinë amerikane.
“Ne duhet të ndërtojmë ushtrinë tonë dhe jemi shumë të vetëdijshëm për koston, por ushtria është diçka që ne duhet të ndërtojmë”, u tha Trump gazetarëve në Zyrën Ovale të hënën.
“Dhe ne duhet të jemi të fortë sepse ju keni shumë forca të këqija atje tani”, shtoi ai, transmeton Telegrafi.
Mundesh me e lexu edhe…
Shuma e re do të ishte dukshëm më shumë se 892.5 miliardë dollarë që Kongresi ndau për mbrojtjen këtë vit.
Kjo vjen pasi u raportua në shkurt se Sekretari i Mbrojtjes, Pete Hegseth udhëzoi udhëheqësit e lartë në Pentagon për të zhvilluar plane për shkurtimin e 8 për qind të buxhetit të mbrojtjes në secilin prej pesë viteve të ardhshme.
Pentagoni po planifikon gjithashtu të shkurtojë midis 50,000 dhe 60,000 vende pune pra të pushojë punonjës civilë, si pjesë e shkurtimeve në shpenzime dhe personel të drejtuar nga Departamenti i Efiçencës së Qeverisë i Elon Musk.
Duke folur në një ngjarje për shtyp me kryeministrin izraelit Benjamin Netanyahu, Trump tha se administrata e tij do të miratojë një buxhet që do të jetë “ai më i madh që kemi bërë ndonjëherë për ushtrinë”.
Nuk ishte e qartë nëse shuma prej 1 trilion dollarësh do të ishte vetëm për Pentagonin apo nëse ishte buxheti i përgjithshëm i mbrojtjes kombëtare, i cili përfshin agjenci të tjera.
Hegseth i ndoqi komentet e Trump me një postim në X ku thuhej: “Së shpejti: buxheti i parë trilion dollarë”. /Telegrafi/Katror.info
Përgatiti:
