Lajme të mira për ata që kanë vështirësi të ushtrojnë rregullisht: një sesion i shpejtë aktiviteti gjatë fundjavës mund të jetë po aq efektiv sa vrapimi i shpeshtë.
Ky është një ndër konkluzionet e një studimi që përfshiu gati 90,000 njerëz të regjistruar në projektin UK Biobank. Studiuesit zbuluan se ata që e shfrytëzojnë fundjavën për stërvitje – të njohur si “luftarët e fundjavës” – marrin përfitime të ngjashme me ata që e shpërndajnë aktivitetin e tyre gjatë javës.
Të paktën 150 minuta ushtrimesh me intensitet të moderuar – ose 75 minuta aktivitet të fortë – rekomandohen çdo javë. Pjesëmarrësit që arritën këtë, qoftë gjatë javës së plotë apo vetëm gjatë fundjavës, ulën rrezikun e zhvillimit të më shumë se 200 kushteve shëndetësore, përfshirë sëmundjet e zemrës, sipas studimit.
Mundesh me e lexu edhe…
Një studim i vitit 2022 arriti në një përfundim të ngjashëm. Ky informacion ofron një frymëzim të ri për ata që mendojnë se nuk kanë kohë për të ushtruar rregullisht, duke treguar se çdo aktivitet është i rëndësishëm për një jetë më të shëndetshme./Katror.info
