Kompania Google dëshiron që lojërat online të bëhen një burim i ri i të ardhurave për YouTube dhe ka ftuar punonjësit të testojnë një produkt të ri të quajtur Playables që u jep përdoruesve qasje në lojërat online përmes shërbimit të njohur të videove.
Sipas emailit të brendshëm, nuk do të ketë fare rëndësi se cila pajisje përdoret, sepse lojërat do të jenë të disponueshme si në pajisjet mobile ashtu edhe në desktop. Përdoruesit do të jenë në gjendje t’i luajnë ato në faqen e internetit të YouTube duke përdorur një shfletues ose përmes një aplikacioni për telefonat celularë me sisteme operative Android dhe iOS, shkruan Katror.info.
Aktualisht ka disa lojëra në dispozicion për testim, e është përmendur edhe Stack Bounce. Është një lojë arcade e mbështetur nga reklamat, ku lojtarët rrëzojnë tullat me një top. YouTube tashmë fiton para nga transmetimet e drejtpërdrejta të lojërave, por ky produkt do të përfaqësojë një burim tjetër të ardhurash për industrinë në një kohë kur të ardhurat nga reklamat janë në rënie.
Mundesh me e lexu edhe…
Google nuk arriti të zhvillojë shërbimin e tij jofunksional të transmetimit të lojërave Stadia dhe e mbylli atë, por kjo është diçka krejtësisht tjetër. YouTube ka një audiencë të madhe që e viziton rregullisht, kështu që promovimi i një produkti të ri nuk do të jetë problem. Playables do të jenë më të ngjashme me produktin e lojërave të Netflix që u ofron parapaguesve qasje në lojëra të thjeshta përmes pajisjeve celulare. Netflix ka ambicie të mëdha për iniciativën e tij të lojërave dhe po punon për një zgjerim që përfshin testimin e lojërave televizive dhe përdorimin e telefonave celularë si kontrollues. /Katror.info
Përgatiti:
