Këshilli i Fakultetit të Filologjisë ka zgjedhur Këshillin Drejtues dhe drejtorinë e re të Seminarit Ndërkombëtar për Gjuhën, Letërsinë dhe Kulturën Shqiptare, shkruan Katror.info.
Në krye të Seminarit për një mandat dyvjeçar është zgjedhur profesoresha Lindita Sejdiu Rugova, e cila ka një përvojë 23-vjeçare në organizimin e drejtpërdrejtë të aktiviteteve të tij.
Sekretar shkencor i Seminarit është propozuar Prof. asoc. dr. Muhamed Çitaku, ndërsa anëtarë të Këshillit u zgjodhën Prof. dr. Bardh Rugova, Prof. dr. Avdi Visoka, Prof. ass. dr. Gëzim Qerimi, Prof. ass. dr. Shpëtim Elezi dhe Prof. ass. dr. Zahrije Kapllanaj. Ndërkohë, për detyrën e sekretares profesionale janë emëruar MA. Liridona Bërkolli dhe Donika Elezkurtaj Bërveniku.
Mundesh me e lexu edhe…
Seminari Ndërkombëtar për Gjuhën, Letërsinë dhe Kulturën Shqiptare mbetet një nga institucionet më të rëndësishme akademike për studimet albanologjike, duke sjellë studiues e ekspertë nga mbarë bota në promovimin dhe zhvillimin e gjuhës, letërsisë dhe kulturës shqiptare./Katror.info
Përgatiti:
