Secili merakli i ushqimit e kuzhinës i din e praktikon ato truqet e vehta kur vjen fjala tek kuzhina. DIkush shfrytëzon mjete ma t’sofistikume për me arritë rezultate ma t’shpejta e ma t’mira n’realizimin e nji recete, dikush përdorë përbërës “sekret” për me i dalë gjella sa ma mirë, e disa t’tjerë thjeshtë mësojnë prej gabimeve t’maparshme e mundohen mos me i përsëritë ato. NJilloj kemi mësu edhe ne prej gabimeve gjatë përgatitjes, andaj edhe po i ndajmë me ty disa këshilla.
Perimet n’avull janë nji prej kombinimeve ma t’shnetshme e ma t’sygjerume t’mjekëve, dietologëve dhe ekpertëve t’fitnesit, dhe me t’drejtë, meqë zierja e perimeve n’avull nuk asht aspak e damshme, ruan vlerat ushqyese t’perimeve që përgatisim dhe asht praktikë që jep rezultate t’shpejta. Mirëpo, edhe kur zihen perimet, ekzistojnë disa aspekte t’cilat duhet me u marrë parasyshë gjatë përgatitjes, andaj ne t’i kemi radhitë 4 këshilla praktike që secili duhet me i ndjekë n’kuzhinë kur zien perime n’avull.
1. Madhësia dhe forma e perimeve ndikojnë n’cilësinë e zierjes.
Shumica e njerëzve i presin perimet e tyre n’madhësinë që do t’i hanë. Por nëse ti nuk e praktikon nji gja t’tillë, atëher mbaje mend se perimet sa ma t’mëdhaja që janë, aq ma shumë kohë marrin me u zi n’avull. E edhe prerja e perimeve n’çfarëdo forme e madhësie, pavarësisht se a t’vogla a t’mëdhaja, din me sjellë rezultate t’tjera nëse ke copa t’ndryshme. Andaj, mundohu me kriju madhësi t’ngjashme / uniforme n’mënyqë që ato me u zi njilloj.
Mundesh me e lexu edhe…
2. Varësisht nga perimet, edhe koha e gatimit dallon
Jo t’gjitha perimet preferohet me u përgatitë njikohësisht, meqë disave iu nevojitet ma tepër e disave ma pak kohë. Kështu, perimet me rrënjore sikurse rrepat, patatet, panxhari – duhet t’gatuhen ma gjatë se shumica e perimeve t’tjera. Andaj, preferohet që perimet rrënjore duheni mei zi t’parat pastaj mundeni me i bashkangjitë perimet e tjera, pak minuta pa përfundu gatimi.
3. Sigurohu mos me i zbutë perimet shumë
Shumica prej nesh kanë frikën se perimet munden me qenë t’paziera mirë, e prej tutës i lajmë me u zi shumë ma tepër sesa që duhet. Mirëpo, nji gja e tillë nuk asht e preferueshme, sepse perimet edhe humbin vlerat ushqyese e vitaminat, por edhe bahen t’qullëta e mandej nuk hahen fare. Këshhtu, nëse je fillestar/e n’zierjen e perimeve n’avull, ne t’sygjerojmë me përgatitë me nji kohëmatës dhe me e konsultu internetin për perime specifike dhe kohëzgjatjen që ato duhet me e pasë.
4. Perimet e freskëta zihen ma mirë dhe dalin ma t’shijshme
Me intensitetin e jetës dhe dinamikën, shumë prej nesh mundohemi me e thjeshtëzu punën e shkurtu kohën që e kalojmë n’kuzhinë, për atë arsye edhe përdorim n’gjella e n’gatime edhe perime t’ngrira. E edhepse si alternativë asht ma kohë-kursyese, ne t’sygjerojmë që kur t’ziesh n’avull perime me e prioritizu përdorimin e perimeve t’freskëta, meqë ato edhe shijojnë ma shumë, por edhe mbesin ma krokante. Kurse, perimet e ngrira kanë tendencë nganjiherë me përthitë lagështi e me mbet t’qullëta. Megjithatë, nëse vendos me i zi n’avull perimet e frizit, syno që ato pasi t’jenë zier, t’i lesh me u zi për 1 a 2 minuta pa kapak t’tiganit a t’tenxheres – n’daç me t’u avullu uji i tepërt n’to.
Ndjeki këto këshilla dhe mundohu me i ba pjesë t’praktikave t’tua n’mënyrë që me e pasë ma t’lehtë punën n’kuzhinë. E mos e le pa i kuptu se cilat janë 5 gabimet ma t’shpeshta që bahen n’kuzhinë dhe qysh mundesh me i shmangë ato, si dhe cilat janë 5 këshillat praktike që secili merakli i kuzhinës DUHET me i ndjekë. Kësisoji, çkado që ke me përgatitë, me shumë gjasë ma t’madhe ka me t’dal ma e mirë, pa pasë ti nevojë me e stër-mundu vehtën. Andaj, mos ua ndajë këtyre sygjerimeve! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
