Sot shënohet dita ndërkombëtare e rrenave dhe mashtrimeve t’vogla, 1 Prilli – e njohun edhe si njana prej ditëve ma kreative t’vitit. E duke e ditë që ne jemi prej atyre njerëzve që kemi qejf me qeshë e me ba kapak hajgare qoftë me t’tjerët, nj’ashtu edhe me vehtën, ne nuk kemi qysh mos me e shënu bashk me juve këtë ditë, pa t’njoftu me disa “pranks” që n’thelb nuk e damtojnë askand.
Shënoje 1 Prillin me 1 prej 7 “super-pranks-ave” që mundesh me ja lëshu njerëzve t’afërm, veçanarisht nëse janë merakli t’ushqimit dhe e din që hiç nuk mundet me ua pre mendja që dikush asht duke ua lëshu nji fore si kalimthi – fore që nime t’bajnë me keshë edhe ty edhe “viktimën”.
1. Oreo me pastë t’djambëve
Ky prank asht ideal me ju ba dikujt që ka merak n’keksat oreo e që pa hezitim e kish marrë nji n’mesin e nji pjate plot keksa. Krejt çka duhesh me ba asht me e largu me thikë kremin e oreove dhe me e zavendësu me pastë dhambësh, me i ba bashk prap keksat e me i vendosë bukur me nji pjatë diku n’kuzhinë a n’sallon.
2. M&M’s dhe Skittles miks
Ky prank nuk asht aspak i damshëm, por mundet me kriju huti tek kushdo që e han foren, meqë M&M’s-at dhe Skittles bobonat ngjajnë shumë për nga forma, ngjyrat e madhësia, e atij/asaj që asht nisë me njet me hangër M&M’s po qëlloi n’Skittles ndodhë që i hupë topi për nja 2-3 sekonda.
Mundesh me e lexu edhe…
3. “Cake Pops” me lakna Brukseli
Nuk e di pse po mendojmë që ky prank mundet ma s’shumti me dhezë tek fëmijët që i kanë merak cake pops-at dhe ambëlsinat e ndryshme n’shtaga. E për me realizu këtë mashtrim, krejt hapat e njejtë duhesh me i ndjekë sikurse ndiqen për realizimin e këtyre topthave, veçse n’vend t’masës me kek dhe kremë n’shkoptha ngulitë lakna brukseli t’cilat mandej i mbulon me çokollatë dhe i dekoron.
4. “Rrush-llada”
Po besojmë që i madh e i vogël i ka merak çokollatat n’formë t’vezëve dhe nuk priton me i hangër disa prej tyre me ba me i pa dikund t’servume. E meqë asht 1 Prilli dhe pak hajgare i shkon kësaj dite, ti mundesh lehtësisht me e mashtru dikand me “Rrush-lladat”. Mjafton me i hangër çokollatat e me ua rujt’ folien dhe me i mbështjellë kokrrat e rrushit me to. 100/100 kërkujt nuk ja prenë mendja që nuk ka çokollatë brenda.
5. Kripore me sheqer
Kjo fore nuk asht bash për çdokand, andaj ta rekomandojmë me pasë kujdes kujt po ja lëshon, meqë si gurmanë që jemi e dijmë që kur dikush asht untë nuk ban fort me e ngacmu. Megjithatë, edhe ky prank e ka lezetin e vet dhe n’thelb mundet krejtve me ju shti me qeshë. krejt çka t’duhet me ba asht kriporen me e mbushë me sheqer n’vend t’kripës e me lanë n’tavolinë – kushdo që zgatet me e marrë e pastë vehten n’qafë!
Nuk janë 7, por 5 a po?
Epo, e hanksh edhe ti prankun tonë me t’shnosha!
/katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
