Federata e Futbollit e Kosovës ka njoftuar se vazhdon shitja e biletave për dy ndeshjet miqësore të Përfaqësueses së Kosovës kundër Armenisë dhe Komoreve. Ndeshja ndaj Armenisë do të zhvillohet më 6 qershor 2025, ndërsa ajo kundër Komoreve më 9 qershor 2025. Të dy takimet do të luhen në stadiumin “Fadil Vokrri” në Prishtinë, duke filluar nga ora 19:00, shkruan Katror.info.
Biletat mund të blihen vetëm online përmes platformës zyrtare në linkun: https://eu.ebileta.al/biglietteria/listaEventiPub.do. Në anën e majtë të faqes duhet të zgjidhni ndeshjen për të cilën dëshironi të blini biletën.
Çmimet e biletave janë të ndara sipas tribunave: për tribunat Veri dhe Jug çmimi është 5 euro, për Lindje është 10 euro, Perëndim 20 euro, ndërsa për zonën VIP çmimi arrin në 80 euro. Një person ka të drejtë të blejë deri në katër bileta.
Mundesh me e lexu edhe…
Për të përfunduar procesin e blerjes, së pari duhet të regjistroheni në platformë. Pas regjistrimit, zgjidhni ndeshjen e dëshiruar, pastaj tribunën dhe ulësen që preferoni. Më pas, vazhdoni me pagesën online. Pas përfundimit të blerjes, duhet të prisni gjenerimin e biletës dhe faturës përkatëse.
Federata fton të gjithë dashamirët e futbollit që të përkrahin përfaqësuesen në këto dy ndeshje dhe të sigurojnë vendin e tyre sa më parë./Katror.info
