Artistët e Orkestrës Amadeus u pritën sot nga kryetari i Prishtinës Përparim Rama dhe drejtoresha komunale Kulturës, Sibel Halimi.
Në mesin e dhjetëra orkestrave nga mbarë bota, interpretimi i tyre i veprës “Malësorja” të Lorenc Antonit, i shoqëruar me kostume tradicionale nga të gjitha trevat shqiptare, është vlerësuar nga një juri ndërkombëtare prestigjioze në një konkurrencë të ngushtë dhe me nivel të lartë artistik.
Që prej 10 korrikut, nën drejtimin e dirigjentit Vehbi Shosholli, Orkestra “Amadeus” ka dhënë koncerte në sallat më të njohura të Vjenës si Wiener Konzerthaus, House of Strauss dhe KulturGarage. Të dielën, në skenën ikonike të Musikverein-Golden Hall, në kuadër të koncertit Gala, u shpallën edhe fituesit dhe Kosova u ngjit në podium.
Mundesh me e lexu edhe…
“Sot, së bashku me Kryetarin Përparim Rama mirëpritëm artistët tanë që na bënë krenarë në Vjenë, duke u nderuar me Çmimin e Argjendtë dhe vendin e dytë në Festivalin Botëror të Orkestrave.
Vendi ynë vazhdon të shkëlqejë përmes artit dhe kulturës, falë talentit dhe përkushtimit të të rinjve tanë,” ka shkruar drejtoresha Halimi.
Ajo ka shtuar se Shkolla “Amadeus”, po bën një punë të jashtëzakonshme në kultivimin e talentit dhe promovimin e vlerave artistike./Katror.info
Përgatiti:
