Muffins-at janë nji prej ambëlsinave ma praktike që ekzistojnë. Mundesh me i përgatitë lehtë e me pak harxh, nuk marrin shumë kohë dhe mundesh me ba kombinime t’ndryshme. Plus, nji e mirë tjetër asht që me këto ambëlsina nuk ke nevojë me ba enë t’palame, sepse, letra ku qëndrojnë e krynë këtë funksion. E besa edhe fëmijët çmenden për to.
Receta e muffins me thana asht idealja për ty që i ke merak ambëlsinat, veçanarisht ato që përgatiten për fundvit. Krejt çka t’duhet për me i përgatitë muffins-at me mjedra e plot shije janë: 30 minuta kohë, disa përbërës dhe natyrisht, me i ndjekë 3 hapat tonë.
PËRBËRËSIT:
1 e ¾ gotë miell
1 lugë çaji pluhur për pjekje / pecivë
1 lugë çaji sodë buke / sodë bikarbon
½ lugë çaji kripë
½ gotë sirup panje (Maple Syrup)
½ gotë vaj kokosi (i shkrirë)
2 ve
½ gotë jogurt grek
¼ gotë lang limoni
Lëkura e 1 limoni (e grirë)
1 gotë thana (t’prera n’gjysmë)
½ gotë badema t’prerë e t’rreshkun
HAPI 1:
Nxeje furrën n’180ºC. N’ndërkohë n’nji enë t’thellë shto vezët, vajin e kokosit, kosin grek, sirupin e panjës dhe sheqerin e përziji mirë. Shto edhe langun e limonit.
HAPI 2:
Shto sodën e bukës, kripën, miellin, pecivën dhe thanat e oërzije masën mirë. Bashko edhe lëvoret e grira t’limonit. Shto edhe bademat e pjekun dhe përziji bashk me masën.
HAPI 3:
Vendos letra për muffins n’tepsinë me kallëp për 12 copë dhe mbushi kallëpët deri n’2/3 e letrës. Vendosi n’furrën që paraprakisht e ke nxe dhe pjeki për 23-27 minuta n’180ºC. Largoji muffins prej furrës, leji me u ftohë për 20 minuta e servo.
REZULTATI:
Vehtën e t’rritunit shërbeji me nga nji muffins e nji kafe, kurse fëmijët shërbeji me nji muffins t’shoqnum me nji gotë qumësht ose kakao. E poashtu, këto muffins mundesh me i marrë me vehte n’punë, ose me ua paketu picimulëve për shkollë. Besa nuk asht ide e keqe me i përgatitë këta muffins e me ja paketu si dhuratë dikujt për krishtlindje apo vit t’ri. Shijo! /katror.info/
Mos e le pa i provu edhe muffins me mjedrra, apo muffins me boronica, t’cilat poashtu jemi t’bindun që kanë me t’pëlqy shumë. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria