Futbollistja e njohur me origjinë nga Kosova, Kosovare Asllani, ka treguar dëshirën që një ditë të jetë përzgjedhëse e Kosovës në kategorinë e femrave.
Me rastin e përvjetorit të pesëmbëdhjetë të Pavarësisë së Kosovës reprezentuesja e Suedisë po qëndron në Prishtinë. Ajo gjithashtu ka marrë medalje presidenciale për të arriturat e saj në sport
“Çfarë momenti krenarie dhe nderi të marrë medaljen Presidenciale 🏅të meritave për arritjet dhe kontributin tim në barazi në sport në Kosovë. Mora gjithashtu pjesë në një nga programet e Unicef-it dhe takova disa vajza të mahnitshme dhe ambicioze.
Mundesh me e lexu edhe…
Sporti është një mjet kaq i rëndësishëm për të fuqizuar të rinjtë. Faleminderit Presidentes Vjosa Osmani, Presidentit të FFK-së Agim Ademi, Faton Pecit, ambasadës suedeze, Unicef-it dhe të gjithë të përfshirëve që e bënë këtë ditë vërtet të veçantë për mua. Kurr Kosoven nuk e lshoj prej zemres ♥️ 👐 #urimeditaepavarsise,” ka shkruaj ajo në facebook.
Po ashtu edhe kreu i FFK-se, Agim Ademi ka shkruar për takimin me Kosovare Asllanin.
“Në Ditën e Pavarësisë pata kënaqësinë ta presë në aeroportin “Adem Jashari” futbollisten tonë me famë botërore, Kosovare Asllani. Ajo vjen në atdheun e saj me epitetin e Ambasadores së Shpresës së Mirë të UNICEF-it, për të dhënë mesazhe në këtë ditë të veçantë për vajzat dhe gratë kosovare se suksesi arrihet me punë e përkushtim pa dallim gjinie.”
“E përgëzova për karrierën e bujshme dhe për sukseset e arritura, pasi është bërë model për vajzat e reja kudo në botë. E nderova me figurën e Hyjneshës në Fron, si një Hyjneshë e Futbollit dhe me fanellën e Kombëtares së Kosovës, si mbështetje për suksese të reja nga vendi i saj i origjinës. Ajo duke më uruar për Ditën e Pavarësisë më falënderoi mua dhe FFK-në për mikpritjen e ngrohtë dhe me përgëzoi për punën e mirë dhe të arriturat që kemi pas anëtarësimit në UEFA e FIFA. Po ashtu, Kosovarja shprehu dëshirën që pas përfundimit të karrierës ta ketë mundësinë që me tërë përvojën dhe dijenin e saj për futbollin të kontribuojë si përzgjedhëse e Kosovës. Kontributi i Kosovare Asllanit është i mirësardhur gjithmonë!”, ka shkruar Ademi në Facebook.
Përgatiti:
