Taksi me hidrokrahë, Bubble, ka hyrë në përdorim komercial në Francë si pjesë e një nisme për transport të qëndrueshëm.
Në vitin 2019, SeaBubbles debutoi si një taks elektrik i ujit në Miami. Pas certifikimit të suksesshëm, kompania tani ka shpallur shërbimin e parë komercial Bubble në Francë në bashkëpunim me Grand Annecy.
Operacioni tregtar është pjesë e një projekti për transport të qëndrueshëm që po zhvillohet pranë liqenit Annecy në juglindje të Francës. Këto përfshijnë një shërbim transporti elektrik, autobusë sezonalë falas dhe biçikleta në vetëshërbim, me SeaBubble që tani i bashkohet kësaj laryshie për muajt e ardhshëm, shkruan Katror.info.
Mundesh me e lexu edhe…
Taksia elektrike e ujit 5 x 2,5 m mund të transportojë deri në katër udhëtarë për çdo udhëtim, të cilët ulen ballë për ballë në Bubble të frymëzuar nga makina. Kabina mund të mbetet e mbyllur ose çatia e mesme mund të ngrihet në dy pjesë dhe dritaret anësore mund të hapen.
Në fillim, byka e kalon ujin si një varkë normale, por sapo të arrijë shpejtësinë 7 nyje, ajo ngrihet nga uji me ndihmën e hidrokrahëve në vetëm pak sekonda dhe shkon drejt një shpejtësie lundrimi prej 13 nyjesh. Kompjuteri në bord merr të dhëna nga sensorë të ndryshëm dhe i udhëzon aktivizuesit që të rregullojnë automatikisht lartësinë dhe animin.
Shërbimi do të synojë të ofrojë tetë udhëtime në ditë gjatë periudhës provuese dymujore dhe vlerësohet se iniciativa e transportit të qëndrueshëm mund të rezultojë në kursime të CO2 deri në 100 ton.
“Ne jemi krenarë për besimin e dhënë tek ne nga komuniteti i qytetit të Grand Annecy për të nisur një linjë pilot,” tha Virginie Seurat, CEO e SeaBubbles. “Me këtë shërbim të ri transporti ekologjik me zero emetim karboni, ne synojmë t’u ofrojmë përdoruesve jo vetëm një marrëdhënie të ndryshme me mjedisin e privilegjuar natyror të liqenit Annecy, por edhe mundësi të ardhshme për të reduktuar bllokimet e trafikut në brigjet e liqenit”, shton ajo.
/katror.info/
Përgatiti:
