Se vakti kryesor për nji ditë me energji asht mëngjesi nuk e vëjmë n’dyshim. Mirëpo, jo çdo herë mrrijmë me e nxanë mëngjesin herët e me e përgatitë nji vakt t’shijshëm e t’mirë, qata recetat praktike e t’shpejta janë ideale për mëngjeset e ngutshme.
Përgatite tavën me ve dhe perime brenda pak minutave, e pajisu me energjinë e nevojshme për tanë ditën, duke i ndjekë udhëzimet tona t’thjeshta, t’lehta e t’shpejta e që nuk ia lajnë keq aspak nji mëngjesi plot shije.
PËRBËRËSIT (servimi për 2):
4 ve
1 grusht spinaq i njomë
100 gr tomatina (t’prera n’mes)
50 gr djathë feta (i imtësum’)
50 ml krem-qumësht
1 lugë gjelle vaj ullini
Kripë dhe biber i zi (Opsionale)
HAPI 1:
Lyje fillimisht tavën me vaj ullini.
Mundesh me e lexu edhe…
HAPI 2:
Shto spinaqin, tomatinat e prera imët dhe vezët e thyera nji nga nji sipër.
HAPI 3:
Shto krem-qumështin sipër masës me ve, tomatina dhe spinaq.
HAPI 4:
Shto edhe djathin e grimëcum’ t’fetës. Vendose tavën n’furrë t’nxehtë paraprakisht n’200 C dhe pjeke at’ për 12-15 minuta. Servo!
REZULTATI:
Shoqnoje tavën me rriska t’rreshkuna buke dhe shijoje këtë super-mëngjes me nji filxhan kafe a nji smoothie. Ne po ta rekomandojmë me e provu smoothie-n me mango dhe dredhëza, ose smoothie-n me gjalpë kikiriku e banane për ekstra shije.
Ti poashtu mundesh me nisë mëngjesin me 1 prej 3 rekomandimeve t’tona për mëngjes t’mirë. Kurse për ditët kur don me përgatitë diçka qoftë për me hangër aty për aty, apo me e marrë me vehte për pauzë, mos e le pa e provu sanuiçin tonë italian me pesto dhe mocarellë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
