Krejt e kemi pa n’filmat amerikan kekët “perfekt” t’cilët ata me shumë qejf e përgatisin. E tash, kemi ardhë n’nji kohë, ku asgja nuk asht e pamundshme, e e kemi shumë t’lehtë me ba çka bajnë e çka hajnë njerëzit anë e mbanë botës, sepse, kemi qasje n’recetat e tyre. Këtë e dëshmojnë recetat e ndryshme, siç asht ajo e “Pumpkin Bread”, receta e kekut me mollë dhe kanellë, por edhe receta jonë e radhës.
Provoje recetën “virale” amerikane t’kekut t’famshëm t’njohun si “BANANA BREAD” n’daç me u lumtunu me secilën kafshatë. E 5 hapa t’thjeshtë me u ndjekë e dëshmojnë se për me dal diçka e mirë, nuk ka nevojë me qenë e komplikume e as e vështirë. Andaj, mjafton me i ndjekë udhëzimet tona.
PËRBËRËSIT:
2 gota miell
1 lugë çaji sodë buke
1/4 lugë çaji kripë
1/4 gotë gjalpë e zbutur
3/4 gotë sheqer i kafët
2 ve
1 lugë çaji ekstrakt vanille
2 e 1/2 gotë banane t’shtypuna/t’bluara
HAPI 1:
Fillimisht nxeje furrën n’200 C. Përgatite tepsinë me letër për pjekje dhe n’nji enë t’thellë shto miellin, kripën dhe sodën e bukës e përziji mirë.
Mundesh me e lexu edhe…
HAPI 2:
N’enë mikseri, apo edhe me mikser klasik përzije gjalpin me sheqerin e kafët, shto gradualisht vezët e përzije masën mirë. Mos harro me e shtu edhe ekstraktin e vanillës bashk me bananet e shtypuna.
HAPI 3:
Shtoja masës t’qullët gradualisht miellin e përzier me sodë buke dhe kripë dhe përzije masën me mikser deri sa t’krijohet nji masë e njitrajtshme.
HAPI 4:
Vendose masën e kekut n’tepsinë me letër për pjekje dhe vendose n’furrë me u pjekë për 50-60 minuta (deri sa korja t’marrë ngjyrë t’artë). Këshillë: Sigurohu me rrëmojse me e pa se a asht pjekë për brenda keku.
HAPI 5:
Largoje tepsinë prej furrës, leje kekun me u ftohë për 30 minuta, preje n’rriska dhe servo.
REZULTATI:
Shijoje këtë recetë me nji filxhan çaj a kafe n’qetësi. Poashtu, kurdo që ke kohë, mos e le pa e provu edhe kekun e çokollatës pa miell, kekun me limon t’cilit kërkush s’i reziston, e pse jo edhe keksat me limon – nëse e ke merak shijen dhe aromën e limonit. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
