Bombica kungulli n'3 hapa t'thjeshtë

Meqë asht sezona e kungujve e shumica prej nesh i përgatisim n’mënyrën ma tradicionale t’mundshme; t’u i pjakë e t’u i zi. E për ata që nuk pritojnë me i përvjelë mangët e me gatu, e patëm rekomandu super recetën e kekut me kungull, ndryshe i njohur si “Pumpkin Bread“. Ndërsa tash e ka radhën nji recetë tjetër prej kungulli, bajagi ma e shnetshme.

Contents

Bombicat me kungull dhe copëza çokollate janë rekomandimi jonë i radhës për ty që ke qejf me hangër ambël, por njikohësisht ke qejf edhe me u ushqy shnetshëm. Lehtë e shpejtë ti mundesh me i përgatitë këto ambëlsina vocërrake që ta kënaqin shpirtin.PËRBËRËSIT:HAPI 1:HAPI 2:HAPI 3:REZULTATI:

Bombicat me kungull dhe copëza çokollate janë rekomandimi jonë i radhës për ty që ke qejf me hangër ambël, por njikohësisht ke qejf edhe me u ushqy shnetshëm. Lehtë e shpejtë ti mundesh me i përgatitë këto ambëlsina vocërrake që ta kënaqin shpirtin.

PËRBËRËSIT:

1 e ¾ gotë miell tërrshane (tërrshanë e bluar)
¼ gotë tërrshanë
1 lugë e mesme kanellë
¼ lugë çaji arrë muskati (Nutmeg)
⅛ lugë çaji kripë
½ gotë pure kungulli t’zier
3 lugë gjelle gjalpë kikiriku (i shkrirë)
¼ gotë sirup panje (Maple syrup)
½ gotë copëza çokollate (Chockolate chips)
1 lugë çaji ekstrakt vanille

HAPI 1:

N’nji pjatë t’madhe, kombinoni purenë e kungullit t’cilin paraprakisht e ke zi dhe blu n’blender, gjalpin e kikirikut, sirupin e panjës dhe ekstraktin e vanillës. Përzije masën mirë.

- ADVERTISEMENT -

HAPI 2:

N’nji enë tjetër shto tërrshanën miellin e tërrshanëss, erëzat dhe kriën e përzije masën mirë. Këtë masë shtoje te pjata me purenë e kungullit dhe shto copëzat e çokollatës. Përzije e ngjeshe masën deri sa t’krijohet nji formë brumi.

HAPI 3:

Me lugë merr sasi t’vogla t’masës e krijo toptha / bombica prej tyre. Vendosi bombicat n’pjatë me letër e futi n’frigorifer për 30 minuta. Servo.

REZULTATI:

Servo me kafe apo çaj n’vend t’ambëlsinave artificiale, ose paketoji n’kuti plastike e merri me vehte n’punë, boja gati fëmijëve për shkollë – sa me ja prishë pak. Jemi t’bindun që kurrë ma shpejtë nuk ke me mbrri me përgatitë recetë kaq t’shijshme e t’shëndetshme t’bombicave sikurse këto. E ngjashëm, ti mundesh me i përgatitë edhe keksat prej tërrshanës, keksat me xhenxhefil, apo keksat me gjalpë kikiriku, që poashtu i ke gati n’dakik, madje nuk ke nevojë me i pjekë hiç. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria

Bombica kungulli n’3 hapa t’thjeshtë