Këtë javë e keni një kombinim të larmishëm nga Suzanne: prej festivalit Birthdance me pary t’vogla e t’mëdha organizume nga DJ secret47 (intervistën me Gentin e lexoni këtu) në katër anët e Prishtinës; dy ekspozita që mund t’i vizitoni të Anton Krasniqit në Hanin e 3 Robertëve dhe Fahredin Spahija në Europe House; PriBEats e fillon sezonin e vet 2025 në EDHE; një koleksion pamor/digjital me vepra nga krejt Ballkani në galerinë GOCAT në Tiranë.
Ngojeni singlin e ri “Rick and Morty” të Shaolin Gang (Real1 & Blunt) për pak inspirim hiphop, vizitojeni bistron e re me emnin kreativ “Juliet and the Spirits”, çelun nga Patriku i Servisit – edhe nëse bash doni me e nxeh javën, bleni dy salsat e djegësta “Kokallë” dhe “Katil” nga shef Zana Çerkezi me spajsirat përditshmëninë. Mundeni edhe me lexu dhe diskutu librin e autorit suedez Kjell Espmark me një promovim në librarinë Dukagjini.
Me kcy: Festivali Birthdance, lokacione të ndryshme Prishtinë & Tiranë
Mundesh me e lexu edhe…
Birthdance ja pat nisë si festim i ditëlindjës së DJ secret47 (Gent Rizaj) por përgjatë viteve u shëndrru në festival të mirëfillte me muzikë, arte, yoga, ushqim organik, që mbahet në shumë lokacione. Programi fillon me 19.02 me Opening Dance në MONROE, vazhdon me 20.02 me White Theme Dance në GRAPE (Hotel Garden), pastaj me 21.02 Dance with a View në NOYA, me finalen e madhe me datën 22.02 në ZONE CLUB. Të nesërmen atmosfera ma chill me 23.02 me ushqim të mirë dhe arte në EDHE, ndërsa me 01.03 Birthdance zhvendoset në Tiranë, me një Dance në Tunel. Për detaje dhe lajnap, vizitoni këtë faqe.
Me dëgju: Koncert i Pavarësisë, Kori dhe Orkestra e Filhamronisë, Pallati i Rinisë, Prishtinë
Filharmonia e Kosovës organizon koncertin tradicional të 17 shkurtit. Kori dhe Orkestra e Filharmonisë së Kosovës po sjellin një program me vepra të kompozitorëve nga Kosova nën dirigjimin e Baki Jasharit. Koncerti ja nisë me veprën “Suita ilire” nga Mark Kaçinari (në 90-vjetorin e lindjes së kompozitorit) dhe i përfshin tri vepra premierë: “Fantazi për piano” nga Blond Krasniqi me solist Shkëlzen Baftiarin (piano), poema simfonike “Mizer – Reçak” nga Liburn Jupolli dhe kantata “I miri i motrës” nga Korab Shaqiri me soliste Flaka Goranci (mexosoprano). Gjithashtu, në këtë mbrëmje kanë m’u interpretu “Dies Irae” (Messa da Requiem) nga Giuseppe Verdi dhe “Vendi im” nga Valton Beqiri, e kompozuar mbi temën e këngës “Mallëngjimi”. Koncerti mbahet në Sallën e Kuqe të Pallatit të Rinisë në Prishtinë. Dyert hapen në orën 19:30 ama mos u vonoheni se dyert mshelen në 20:00.
Me pa: Ekspozita “Homazh” e Fahredin Spahija, Shtëpia e Evropës, Prishtinë
Portrete njerëzish në amshim, fytyra të ikonave të artit dhe kulturës të realizume nga fotografi i njoftun Fahredin Spahija. 17 sosh, për nder të 17 viteve të republikës, vijnë në Europe House, dhe janë portrete që flasin shumë: çdo rrudhë – një rrugëtim, çdo shprehje e fytyrës – një kujtim, çdo hije – një telashe që ma të mirët e skenës së artit, muzikës, shkrimeve, kanë përjetu gjatë dekadave të veprimtarisë të tyne. Fotografi Spahija ka arrit me nxanë këto personazhe në kulmin e tyne jetësor the çdo fotografi sjell ndjenja që nuk përshkruhen me një mijë e një fjalë…
Me kcy: PriBeats XXI w/ Herck & Lekë, E.D.H.E
PriBeats po rikthehet me ngjarjen e saj të parë për vitin 2025, një natë të gjatë, për episodin e 21-të të PriBeats më 21 shkurt në EDHE. Mysafir osht me “doktori i minimalit” Herck. Herck vjen nga skena e njohun e muzikës elektronike në Rumani dhe konsiderohet si njo nga artistat më inovatorë. 15 vjetë mas publikimit të trekut të tij të parë, ai ka lëshu muzikë në labels të njohura si Mulen Records dhe mezin, edhe osht i njoftun koxha si një makinë prodhimi muzikor që nuk tregon sheja që ka mu nal. Pjesëmarrjet e tij si DJ e kanë çu nëpër krejt botën, nga Argjentina, në Gjermani, deri në Australi, ku momentalisht osht në turne. PriBeats e ka ftu në Kosovë për një set të zgjatun prej 4 orësh, për me vazhdu me headlinerin e njoftun të PriBeats LEKË.
Me pa: Ekspozita “Arkeologjia e shpirtit” e Anton Krasniqit, Hani i 2 Robertëve, Prishtinë
Qendra alternative e artit “Hani i 2 Robertëve” po vazhdon me programin e vet, kësaj radhe me ekspozitë personale, titullime “Arkeologjia e shpirtit”,ngaAnton Krasniqi, kurume nga Refki Gallopeni – Rego. Sipas kuratorit, ekspozita “është frymëzuar nga jeta e përditshme nga përjetimet që ne i kemi parë si komunitet, si shoqëri gjatë luftës, gjatë historisë sonë dhe vërehet një lloj qytetërimi. Nga rrënojat e atij qytetërimi dhe brenda atyre rrënojave ka një lloj shprese, një lloj përpjekjeje për mbijetesë, ka përpjekje për ringjallje dhe kjo e bën tërësinë e veprës së Antonit shumë interesante dhe e bën të ndryshëm nga piktorët e tjerë”.
Me dalë: Bistro ‘Juliet of the Spirits’, Bulevardi Xhorxh Bush, Prishtinë
Viti i kalum s’ka qenë bash frytëdhans për jetën e natës dhe ditës, me mbylljen e plot kafeterive e restoranave që kanë punu me dekada në këtë shehër, kështu që tepër jemi t’lumtun që po ju sjellim lam për hapjen e një vendi t’ri “Juilet and the spirits”. Emni osht i inspirum prej një filmi (u desht me këqyr në wikipedia) plot imagjinatë, andrra the kostume nga Federico Fellini, ama këtë koncept andërrimtar në Prishtinë e çeli dosti jonë Patriku, që tashmë e menaxhon me Leon Servis Fantazinë. Koncepti osht i bistros, me meny ditore/mbramje të ushqimeve, kokteje t’mira dhe super ambient me plotë dritë dhe diell ditën, dhe muzikë e movement natën. Lokacioni osht përballe katedralës “Nana Terezë”. Urime, suksese dhe shihemi për një pije (a dy a tri).
Me pa: Ekspozita “aDigital Perspective”, Galeria GOCAT, Tiranë
Shkojmë pak kah Tirana! “aDigital Perspective” osht ekspozita ma e re që vjen në GOCAT Art Gallery, me qëllim sfidimin e kufijvë mes artit dhe teknologjisë. Dhjetë artistë të shquar nga Italia dhe Ballkani bashkohen për me “ripërcaktu konceptin e artit dixhital, tu reflektu mbi ndikimin e teknologjisë në krijimtari, identitet dhe marrëdhaniet tona ndërpersonale.” Sipss organizatorëve (projekti osht investim raional i qendrave kulturore italiane me kurator Spazio Taverna), “kjo ekspozitë nuk ofron përgjigje të gatshme, por shtron pytje të randësishme mbi kuptimin e vërtetë të dixhitalizimit në art. Artistët eksplorojnë kontradiktat dhe mundësitë e teknologjive të reja përmes teknikave tradicionale, tu theksu qëllimisht (na kishim shtu edhe ‘ironikisht’) mungesën e dixhitalizimit.”
Me dëgju: Single i ri “Rick & Morty”, Shaolin Gang
Wu-Tang Clan, njo nga grupet ma me ndikim të hip-hopit, e ka përdor termin “Shaolin” si një lloj projektimi të stilit dhe identitetit të tyne. Ata shpesh e përmendin Shaolin në muzikën dhe llafet e tyne, tu e popullarizu tempullin kinez të njoftun për artin e kung-fusë mrena komunitetit të hip-hopit. Te na Shaolin gang janë Real1 dhe Blunti, dy prej hiphoperave ndoshta ma me ndikim në krejt historinë e hip-hopit në gjuhën shqipe. Tash e kanë lëshu një send të ri, emnum sipas filmit të vizatum ikonik “Rick and Morty”, kështu që veq bazumë në ndërlidhjën qaq të pasun të referencave kulturore përtej zhanreve dhe skenave, ja vlen mu ngu. Plus sendi osht bash i mirë, me ironinë e zakonshme për këta dy dhe beat perfekt me ngt tu u sillë rrugëve të qytetit pa lum. E pa nëj tempull Shaolin.
Me hangër: Salcat Kokallë dhe Katil, prodhim vendor nga Zana Çerkezi
A hani djegëst? Ehe, atëhere qe nja dy prodhime vendor, tepër të shijshme nga Zana Çerkezi, një nutricioniste dhe autore librash gatimi. Emnat janë tepër funny: Kokalla osht sos pak ma i trashë, gati si ajvar, me copëza speci, hudre, mëlmesa, dhe na e përdorëm me ly bukë dhe me ja shtu pak gjellnave, e Katili osht salcë me speca cayenne, i hollë, taman për sendviça dhe mish grill. Ama ej – të dyjat janë bash… “katil”. Super produkte për kuzhine t’jujën por edhe si dhurata kur doni me qu diçka dikujt që osht reflektive e neve, njerëzve të djegstë që hajnë djegstë me gjithçka. Zana ka edhe libra t’mira dhe jep këshilla t’mira ushqimore, kështu që përcjelleni edhe në insta dhe blejani librat me recepta!
Me lexu/diskutu: Promovimi i librit “Bela Bartok kundër Perandorisë së Tretë” të autorit Kjell Espmark, Libraria Dukagjini
Libri “Bela Bartok kundër Perandorisë së Tretë” nga autori Kjell Espmark ka mu promovu më 18 shkurt, në ora 18:00 në librarinë “Dukagjini”( te sheshi “Nëna Terezë”). Për me diskutu rreth librit, në panel do të jenë të pranishëm:
Edita Kuçi-Ukaj, përkthyese e librit; dhe Rafet Rudi, kompozitor dhe dirigjent.
Promovimi moderohet nga Liridona Bytyçi. “Bela Bartok kundër Perandorisë së Tretë” nga Kjell Espmark ndërthur artin, historinë dhe politikat e kulturës, tu eksploru jetën dhe veprimtarinë e kompozitorit Bela Bartok në kontekstin e “Perandorisë së Tretë”. Espmarku, me mjeshtri të shqume, analizon tensionet midis identitetit kombëtar dhe ambicieve artistike, tu na i nxjerrë në pah ndikimet e konteksteve politike në krijimtarinë muzikore.
Marrë nga Suzanne Podcast
Përgatiti:
