Boys In The Boat është filmi më i ri i drejtuar nga George Clooney. Është një histori e vërtetë frymëzuese për ekipin e kanotazhit të Universitetit të Uashingtonit, i cili përkundër të gjitha parashikimeve dhe gjasave fitoi Lojërat Olimpike Verore të vitit 1936 në Berlin. Filmi është përshtatur nga bestselleri i Daniel James Brown, një roman i fuqishëm rreth një grupi të autsajaderëve që arritën të pamundurën.
Përvoja e jetës së vetë Clooney e ndihmoi atë të kuptonte frymën e librit dhe të lidhej personalisht me historinë. Gjegjësisht, aktori i njohur është rritur në fermën e thjeshtë të duhanit të gjyshërve të tij në Kentaki. Ai mbijetesën e siguronte duke prerë duhan, zbuloi ai në premierën e fundit të filmit në Los Angeles.
“Unë isha një fermer duhani. Prisja duhanin për 3.30 dollarë në orë,” pranoi Clooney në Vanity Fair dhe vazhdoi: “Prerja e duhanit nuk është puna më e lehtë, por nuk është e barabartë me atë që bëjnë lundruesit në film. Aksionet ishin të larta për ta. Punuan vërtetë me zell nga nevoja. Ata lundruan sepse kjo ishte mënyra e vetme për të qëndruar në kolegj.”
Mundesh me e lexu edhe…
Drama sportive e Clooney përqendrohet rreth personazhit të Callum Turner, Joe Rantz, një i ri i varfër i braktisur nga babai dhe njerka e tij. Ai merr një vend në ekipin e kanotazhit të universitetit të tij dhe bashkohet me tetë djem të tjerë me përvoja të ndryshme jetësore, të cilët përfundojnë duke krijuar një lidhje të pathyeshme.
“Unë u lidha me historinë kryesisht sepse më pëlqeu ideja e njerëzve që përpiqen të gjejnë një mënyrë për të mbijetuar. Tema e filmit është ngritja mbi të gjitha fatkeqësitë dhe forca e bashkimit”, përfundoi Clooney.
Filmi duhet të fillojë të shfaqet në kinema gjatë Krishtlindjes./Katror.info
Përgatiti:
