Në kulmin e popullaritetit të produkteve inteligjente, pak ishin ata që prisnin se në shitje do të dalin edhe dyert.
Dyert inteligjente mund të blihen në rrjetin e famshëm amerikan të dyqaneve “Home Depot”.
Çmimi i tyre është sa 4000 dollarë dhe në këtë kosto nuk përfshihet instalimi i tyre.
Mundesh me e lexu edhe…
E prezantuar për herë të parë në vitin 2022, “Masonite M-PWR Smart Door” shquhet si një derë banimi e integruar me një bravë inteligjente të Yale dhe zile video “Ring”.
Një pikë kryesore e shitjes është mbështetja e tyre në sistemin elektrik të shtëpisë tuaj për energji. Kjo eliminon shqetësimin e zëvendësimit ose rikarikimit të baterisë, probleme që hasen zakonisht nga shumica e bravave inteligjente dhe disa video-zileve, shkruan Katror.info.
Dyert janë krijuar nga tekstili me fije qelqi në një shumëllojshmëri stilesh dhe ngjyrash, me çmime që variojnë nga 4,000 dollarë deri në më shumë se 7,000 dollarë.
Opsionet inteligjente shtesë përfshijnë ndriçimin e lëvizjes dhe një sensor të statusit të derës, i cili ju lejon të monitoroni nëse dera është e hapur ose e mbyllur nëpërmjet një aplikacioni të dedikuar.
Për më tepër, një bateri rezervë emergjente siguron kontroll të vazhdueshëm të elektronikës së derës edhe gjatë një ndërprerjeje të energjisë. Kontrolli i elektronikës së plotë të derës kërkon tre aplikacione të veçanta: aplikacionin Ring për zilen me video, aplikacionin Yale për kyçin e Yale Assure SL dhe aplikacionin M-PWR për vetë derën, duke përfshirë ndriçimin dhe sensorin e derës.
Megjithëse Ring dhe Yale ka të ngjarë të lançojnë bravë dhe kambana të reja, pozitive është se komponentët janë të këmbyeshëm.
Corey Sorace, Zëvendës President i Lartë dhe Drejtor Kryesor Inovacioni i “Masonite International”, konfirmoi vitin e kaluar se megjithëse jetëgjatësia e dyerve matet me dekada, teknologjia pas tyre nuk do të zgjasë aq gjatë. Kjo është arsyeja pse ato u krijuan dhe u projektuan për përmirësime të mundshme me kalimin e kohës./Katror.info
Përgatiti:
