A t’ka ra me pa ndonji andërr n’t’cilën e ke gjetë vehten t’u hangër diçka t’shijshme, diçka t’çuditshme apo edhe ndonji ushqim t’cilin n’jetë reale kurrë nuk e kishe shti n’gojë?
A t’ka ndodhë me u zgju plotësisht i/e habitun me andrrën edhe nuk ke mujt’ me i ra n’fije se ç’domethanje ka andrra t’cilën e ke pa; ç’kuptim a mesazh po përçon? Epo, ne jemi këtu me t’njoftu se disa prej andrrave n’t’cilat na shfaqet ushqimi kanë edhe kuptime t’ndryshme e që flasin shumë për mënyrën tonë t’jetesës, por edhe nënvetëdijen.
1. NGRANJA E TEPËRT
Nëse ke pa n’andërr se po e tepron t’u hangër, kjo mundet me qenë treguese se n’jetën reale je t’u u përpjekë nlidhje me diçka shumë. Ky angazhim mundet me qenë angazhimi yt i tepërt n’punë për me fitu nji pozitë t’caktume, me dëshmu vehten apo edhe me i ra n’sy shefit/es. Ka mundësi me qenë edhe nji shenjë që po mundohet me t’tregu që ka adhë koha me kërku ma mirë e ma shumë prej vehtes dhe me ndryshu rrethanat n’favorin tand.
2. T’MOS PASUNIT MJAFTUESHËM USHQIM
Andrrat e tilla munden me simbolizu t’kundërtën e asaj çka andrrat ku stër-ngopesh shfaqin. Ato munden me tregu pakënaqësinë tande n’raport me jetën t’cilën e ke ose ban. Mbase diçka n’jetën tande po mungon – ka gjasë që diçka që e ke dëshiru asht realizu apo arritë, e megjithatë ty nuk ka mrri me t’ba t’lumtun.
Megjithatë, n’disa raste kjo andërr asht veç kallxues që n’përditshmëri nuk po ushqehesh mjaftueshëm. Mos e injoro këtë mesazh, nëse vërtetë po e privon vehten prej ushqimit.
Mundesh me e lexu edhe...
3. T’NGRANIT E NJI TORTE / AMBËLSINE
Nëse n’andërr ke pa tortë ose ambëlsinë, zakonisht kjo nënkup[ton diçka t’mirë. Ndodhë që po pret lajme t’mira ose që ngjarje t’mira kanë me t’përcjellë ditëve n’vijim. Ka gjasë poashtu që diçka t’cilën e ke dëshiru për nji kohë t’gjatë ka me t’u plotësu ose ndodhë. Pra, gjana t’mira ndodhë që vijnë.
4. T’NGRANIT E NJI USHQIMI T’PADËSHIRUESHËM
Nëse n’andërr e sheh vehten t’u hangër diçka t’shpifun ose që n’rrethana reale nuk e kishe hangër, ka shumë gjasë që je duke përjetu ankth apo ndonji lloj shqetësimi. Anddrat e tilla munden me e përçu mesazhin tek ti me i kushtu pak kujdes mirëqenies tande dhe mos me i marrë gjanat me siklet e nguti.
5. T’NGRANIT E NJI USHQIMI HELMUES
Nëse e gjenë vehten t’u ngranë diçka helmuese n’andërr, kjo mundet me nënkuptu nji problem me t’cilin je duke u përballë. Mund t’jetë nji situatë zhgënjyese për t’cilën nuk ke qenë i/e përgatitun me t’ndodhë, apo edhe ndonji person prej t’cilit keni pritë shumë e ju ka dalë ndryshe. Pashtu, andrra t’tilla munden edhe me simbolizu pakënaqësinë tande për pritshmëritë dhe rezultatet t’cilat kanë dalë prej diçkaje.
Kushtoju pak vëmendje gjanave rreth teje, analizoji ato dhe mbase i bjen n’fije se për ç’arsye e ke pa nji andërr me ushqim, qoftë t’bollshëm e t’mirë, qoftë t’pamjaftueshëm, t’shpifun apo edhe t’pazakontë. Megjithatë, mundohu me e rujtë raportin e shnetshëm t\\tandin me ushqim dhe me kriju vetëdije mbi mënyrën tande t’ushqyerit, se nganjiherë edhe nënvetëdija na sinjalizon që nuk ka kurrëfarë interpretimi tjetër, pos që duhesh me kqyrë çka, sa e qysh po han. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
