Shtatori asht muaji i turrshive, padiskutimisht. Shumica bahemi gati për dimër edhe furnizohemi me perimet ma t’freskëta t’pazarit për me i përgatitë turrshitë me t’cilat i shoqnojmë pjatat e gjellat kryesore përgjatë tanë vjeshtës e dimrit.
Turrshitë s’kanë pse me qenë t’zorshme me u përgatitë. E këtë ma s’miri e dëshmon receta e maposhtme. Merakli t’kastravecave turrshi, por, edhe t’djegëstit – qe receta që ju kursen kohë e nuk don shumë punë.
PËRBËRËSIT:
2 gota ujë
1 dhe 3/4 gota uthull t’bardhë
1/2 filxhan sheqer
2 lugë gjelle kripë
2 tufa kopër
8 thelpinj hudhër (t’prerë n’copa t’trasha)
2 lugë gjelle spec “zharankë” (t’grimcume)
3 kg kastraveca turshi (t’përgjysmume për s’gjati)
HAPI 1:
Bashko ujin, uthullën, sheqerin dhe kripën n’nji tas t’madh e përzije masën derisa kripa e sheqeri t’treten plotësisht. Shto copëzat e specit të kuq, erëzën turshi, hudhrën dhe koprën.
Mundesh me e lexu edhe...
HAPI 2:
Shto kastravecat dhe përziji derisa t’mbulohen mirë. Nuk ka nevojë me i lanë “me ardhë”, sepse kjo prodecurë ka me u ba pastaj.
HAPI 3:
Vendosi turshitë pikante n’teglla t’xhamit.
HAPI 4:
Shto ngapak prej ujit t’përgatit dhe mbylli tegllat. Vendosi tegllat n’frigorifer për 10 ditë.
REZULTATI:
Mundesh me fillu me i hangër turshitë edhe para 10 ditëve, por ato nuk kanë me qenë t’mira aq sa duhet para afatit t’cilin po a rekomandojmë. Duro 10 ditë e shijoji mandej pa vesves qoftë me krelanë t’kallamojt’, qoftë me speca t’mbushun, apo çkado që ta don zemra.
Poashtu, nëse veç je n’disponim për turrshi t’tjera, këtu mundesh me gjetë edhe recetën e qepëve turrshi, t’cilën mundesh me i përgatitë po aq lehtë – madje, e konsumon edhe n’kohë ma t’shpejtë.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
