Epoka e re muzikore e pop këngëtares Lady Gaga duket se është në rrugë e sipër.
Superylli së fundmi hyri në llogarinë e saj të Instagramit për të ndarë një foto të valëve audio në një ekran, duke lënë të kuptohet se ajo po regjistron këngë të re, shkruan Billboard, transmeton AlbanianPost.
Megjithatë, Gaga ende nuk ka konfirmuar ndonjë informacion më shumë në lidhje me një album apo datën e publikimit të tij.
Mundesh me e lexu edhe…
Fansat kanë shpresuar për muzikë të re që nga albumi i fundit i Gaga-s, “Chromatica” i 2020-ës, por 13-herë fituesja e “Grammy” ka kaluar tre vitet e fundit në shumë projekte të tjera për të cilat ajo ka qenë e pasionuar, përcjell Albanian Post.
Marka e grimit “Haus Labs” e rilançuar së fundmi e Gaga-s ka qenë virale në të gjithë TikTok-un, duke dalë vazhdimisht me produkte të reja shpikëse, nga elementet më të thjeshta të makijazhit deri te shkumësat me ngjyra të buzëve, shkëlqyesit dhe gjithçka tjetër.
Në qershor, superylli ngacmoi se ajo po punon fortë në projekte të shumta artistike, duke përfshirë një redaktim për një film të bazuar në turneun e saj kryesor të koncerteve të vitit 2022.
“Jam përgatitur me muaj duke zhvilluar karakterin tim për Joker, kam filmuar [Joker: Folie a Deux] për shumë muaj (një kohë shumë introspektive)”, shkroi Gaga në një mesazh të gjatë.
“Unë kam drejtuar fillimin tim ‘Haus Labs’, duke bërë punë filantropike dhe gjithashtu kam punuar në montimin e filmit ‘The Chromatica Ball’”, shtoi ai.
Në fillim të kësaj jave, këngëtarja njoftoi se do të kthehet në skenë në teatrin Dolby Live për tetë koncerte midis 19 qershorit dhe 6 korrikut./Katror.info
Përgatiti:
