Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet. Kësisoji, receta jonë e kaqikave t’pjekun n’furrë (n’3 hapa t’thjeshtë), si dhe receta e pulës me marinadë greke, kanë mundësi me u përgatitë n’sasi ma t’madhe e me u kombinu me ushqime e perime t’ndryshme përgjatë shujtave.
Pula me pesto dhe perime, asht pjata t’cilën po ta rekomandojmë n’daç me hangër mirë, shnetshëm, me u ngi e mos me u lodhë shumë t’u përgatitë. Poashtu, kjo recetë asht shumë e përshtatshme për kando që ruhet pak n’ushqim, ushtron, i kushton randësi vlerave ushqyese dhe ka preferon me marrë ushqimin e tepër t’drekës a darkës me vehte n’punë.
PËRBËRËSIT:
1 spec i kuq paprika (e prerë n’copa)
1 kungulleshë e gjelbër (e prerë n’copa)
1 kungulleshë e verdhë (e prerë n’copa)
1/2 qepë e kuqe (e prerë n’copa)
600 gr gjoks pule (i prerë n’kubëza mesatare)
2 lugë gjelle vaj luledielli
1 gotë bizele t’gjata / bishtaja
4 lugë gjelle pesto (pesto shtëpije – opsionale)
1/2 lugë çaji kripë
1/4 lugë çaji biber
1 lugë gjelle parmezan (i grirë)
Mundesh me e lexu edhe…
PERIMET:
Sigurohu që perimet i ke pre n’madhësi t’ngjashme me njana tjetrën, pavarësisht se forma e tyre dallon.
GJOKSI I PULËS:
Edhe gjoksin e pulës preje n’copëza po aq t’mëdhaja sa edhe perimet.
HAPI 1:
Shto n’tiganin e nxehtë vajin e lulediellit dhe mishin e pulës. Lejoje mishin me u kavërdisë për 5 minuta, përzije e vazhdo edhe 5 minuta t’tjerë. Shto bizelet / bishtajat.
HAPI 2:
Shto edhe specat e qepën dhe kavërdise masën për 3 minuta.
HAPI 3:
Shto edhe kungulleshat, përziji perimet me mishin dhe kavërdis sasinë për 5 minuta rresht.
HAPI 4:
Shto kripëm dhe biberin, si dhe peston (pesto shtëpije – opsionale), përzije masën mirë dhe fërgo perimet e mishin bashk me persto për 5 minuta. Largo tiganin dhe servo.
REZULTATI:
Servo mishin e pulës me pesto dhe perime si pjatë n’vehte apo edhe si pjatë shoqëruese me oriz, patate apo pasta.
Ti poashtu, mundesh me e përgatitë këtë sasi e me e ba gati për ditë t’tjera që me e pasë gati qoftë për drekë a darkë, por edhe për kuti pauze. Madje, mundesh me e u inspirtu edhe prej kutisë t’pauzës me perime dhe sallatë pule, apo edhe shujtës me gjoks pule, patate t’ambël dhe mini-lakra.
E po pate qejf me mësu ndonji marinadë tjetër për pulë, atëherë ta rekomandojmë me e provu pulën me marinadë greke, apo pulën me marinadë limoni dhe barishte – receta këto që nuk kanë me t’zhgënjy aspak. Shijo! / katror.info/
Përgatiti:
