Shën Valentini veçse asht afru e për shumëkand kjo ditë asht arsye me festu e me ju gëzu faktit që ata janë t’lumtur me partnerin/en që e kanë afër vehtes. E anipse asht e pritshme që për këtë ditë me marrë e me dhanë dhurata, me dalë n’drekë a n’darkë romantike – kjo nuk do t’thotë që me patjetër me u kufizu veç n’këto opsione e mos me organizu diçka ma interesante n’shtëpi – përkundrazi, ambientet private i kanë përparësitë e vehta.
Thonë se dashnia kalon përmes stomakut – e ne po pajtohemi me këtë thanje dhe kemi ardhë me 8 ide interesante se çka mundesh me përgatitë për t’dashurin/en tande n’ditën e Shën Valentinit – n’rast se nuk ke planifiku diçka specifike, ke mbetë pa ide apo je n’kërkim t’risive. E ti e ke rastin me e lumturu partnerin/en tande me këto sygjerime që nime tregojnë nji lloj deklarimi t’dashnisë.
1. MEZZE E AMBËL – PJATË ROMANTIKE
Mezja e ambël / plata romantike me ambëlsina asht nji prej alternativave t’cilat mundesh lehtësisht me e përgatitë n’kushte shtëpije. Për me realizu nji pjatë t’ngjashme, përdor produkte me nuancë t’kuqe, t’bardhe dhe t’pembe (PINK). E mira e këtyre mezeve asht që mundesh lehtësisht me gjetë ambëlsina t’ndryshme n’dyqane dhe me e përgatitë shpejtë. Kështu ti mundesh me ble politanka me shije dredhëze, keksa me limon/dredhëz, marshmallows t’bardha dhe pink, haribo n’formë zemre, karamele dhe bonbone t’ndryshme me po t’njejëtën ngjyrë si dhe shtapiqa me çokollatë dredhëze. Edhe ambëlsinat si perecat me çokollatë t’bardhë, macaroons shkojnë shumë n’pjata t’tilla. Shkurt e shqip – leje imagjinatën me t’udhëheqë edhe shfaqe kreativitetin. Ne t’rekomandojmë me përdorë pjata n’formë zemre po pate n’dispozicion, për ekstra efekt.
Mundesh me e lexu edhe…
2. STRAWBERRY MARGARITA
Ndreçja mbramjen vehtës dhe personit tand me nji koktell klasik e që i shkon shumë motos t’Shën Valentinit e përgatite koktellin Strawberry Margarita lehtësisht n’kushte shtëpije; koktell ky klasik, plot shije e i përshtatshëm për nji natë romantike e që t’i merr veç 5 minuta kohë.
3. PARFAIT DREDHËZASH
Përgatit parfait me dredhëza dhe reçel dredhëzash nëse ke kohë. Mjafton me përzi pak jogurt grek me reçel dredhëzash dhe mjaltë, me i vendosë n’gota dekorative, me i shtu reçel sipër gotës dhe copëza dredhëze për dekor. E nëse je n’dyshime për këtë sygjerim, shqyrtoje si alternativë me përgatitë puding dredhëzash n’vend t’parfait-it. E nëse don me shku edhe 1 hap ekstra – preji dredhëzat n’formë t’zemrës e servo sipër gotës.
4. “SHËN VALENTIN” MEZE
Dashurinë ndaj partnerit/es mundesh me e shprehë edhe duke e përgatitë nji meze romantike me përbërës sa t’njelbët, aq edhe t’ambël. Merr lloje t’djathërave sikurse mocarella, pecorino, djathi brie dhe djathi i mykur (Gorgonzolla) e shto edhe fruta (mollë t’kuqe, dredhëza, mjedra, thana, shegë e rrush t’kuq) dhe perime t’kuqe (speca e tomatina). Bashkoja mezës disa rriska proshute dhe rriska suxhuku, vendos keksa e fruta arrore për me e kompletu mezen. Madje, n’paç dëshirë me e ba mezen pak ma t’veçantë, mëso qysh me i përgatitë trëndafilat prej suxhuku – që janë ideale për pjata t’tilla, n’veçanti për Shën Valentin. Ti poashtu mundesh rriskat e kashkavallit dhe ato t’mishërave me i pre n’formë t’zemrës me kallëpa për keksa – po pate qejf e mundësi.
5. PROSECCO SPRITZ
Nëse ty ose partnerit/es i pëlqen me qenë pak ma ekstravagant/e n’përzgjedhjen e pijeve festive, sidomos n’rastet kur festohet për lidhjen e dashninë e juj, atëherë receta e prosecco spritz-it asht përzgjedhje ideale e t’cilën lehtësisht mundesh me e përgatitë n’kushte shtëpia, n’pak minuta e me pak përbërës. Elegante, e bukur me u pa e plot shije kjo pije nuk dështon asnjiherë me ta ndreçë disponimin.
6. SHKOPTHA DASHURIE
Nëse don me shku ekstra, ideja e haribove n’shtagë asht nji ide interesante me ja ba t’dashurit/es. Mjafton me zgjedhë n’dyçan haribo e karamele me shije dredhëze e manaferre / frutash mali, e që kanë forma t’ndryshme (vecanarisht n’formë trëndafili dhe zemre) dhe me i ngulë n’shtaga skare.
7. SALLATË RUKOLLE ME MOLLË DHE SHEGË
Sallata e rukollës me mollë dhe shegë asht sygjerimi jonë për nji tryezë t’kompletume, sepse, edhe shkon me moton e darkës, por edhe përgatitet lehtësisht. Mjafton me i ndjekë 2 hapa t’thjeshtë e me e ba gati sallatën paraprakisht dhe me e servu me drekë/darkë.
8. BRUSKETA KLASIKE ITALIANE
Sjelle shijen italiane n’tryezën tande me brusketat italiane dhe dëshmoje se gatimi asht gjuhë dashurie. Thjeshtë, lehtë, mirë dhe plot elegancë, brusketat mundesh me i servu si paragjellë e me i shoqnu me koktellat që i sygjerum ma lartë. Jemi t’sigurtë që as ti e as dashnia jote nuk keni me ju rezistu.
Pavarësisht se çka vendosë me provu e gatu, ne urojmë që nfund ti e partneri/ja me u nda t’kënaqun. Kujdes mos përgatit edhe tepër shumë ushqim e me t’shku dam dhe sigurohu me i kushtu vëmendje edhe dekorit. Ne t’sygjerojmë me i bashkangjitë tavolinës lule, qirinjë e pse jo edhe drita dekorative për nji efekt hala ma romantik. Shijoje drekën/darkën romantike e gëzuar për dashninë! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
