Nëse je prej atyre që kur servon drekë a darkë preferon pjatën kryesore me e shoqnu me shumë perime, atëherë ne e kemi nji recetë simpatike dhe plot shije, e që po e provove jemi t’bindun që ke me e përgatitë ma shpesh e ke me e kombinu n’mënyra t’ndryshme.
Ideale për drekë a darkë, perimet e pjekuna n’furrë janë kombinimi që i shkon secilës pjatë. Ama jo krejt perimet e kanë t’njejëtin marifet, sepse, kohëzgjatja e pjekjes si dhe erëzat dallojnë varësisht prej llojit t’perimeve, veçanarisht nëse je duke e përgatitë veç nji lloj t’tyre, e këtë e dëshmojnë udhëzimet e tona për pjekjen e kungulleshës.
PËRBËRËSIT:
4-5 kungullesha (t’prera n’copa mesatare)
3 lugë gjelle vaj ullini
1 lugë e çaji kripë
1 lugë çaji biber i zi
1 lugë çaji hudhër pluhun
1 lugç çaji qepë pluhun
HAPI 1:
N’nji enë t’thellë shto kungulleshat e prera (mos ua qëro lëvoren). Shto erëzat dhe vajin dhe përziji ato mirë. Leji kungulleshat me qëndru n’vaj e n’erëza për 10 minuta, n’ndërkohë qe e nxenë furrën n’200 C.
HAPI 2:
Zgjedh nji tepsi sa ma t’madhe dhe vendos letër për pjekje sipër. Shto kungulleshat dhe sigurohu që me qenë t’shpërndara mirë. Vendosi n’furrë për 10 minuta.
HAPI 3:
Me spatullë largo prej letrës kungulleshat, sigurohu që i ke përzi mirë dhe vendosi prap n’furrë për 5 minuta t’tjera, n’150 C. Krejt n’fund, largoji nga furra dhe servo.
REZULTATI:
Kuptohet se kungulleshat e pjekuna mundesh pafundshmërisht me i kombinu me ushqime t’ndryshme dhe me ja përshtatë shijeve t’tua. Disa prej sygjerimeve t’tona janë me i kombinu n’sallata me kuskus apo pasta-sallata, me pak oriz ose pire patatesh, me patate t’mbushuna me djathë e me qofte greke apo qofte lulelakre etj.
E pasi veç jemi tek udhëzimet se si me përgatitë perime t’ndryshme, mos e le pa e kuptu edhe qysh përgatitet nji miks perimesh n’furrë, qysh mundesh me përgatitë lulelakrën n’3 hapa t’thjeshtë e pse jo edhe sallatën mediterane t’lakrës. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
