Nuk e ka lezetin fundi i verës e besa as vet muaji shtator pa i përvjelë mangët e me u përgatit’ për vjeshtën e dimrin. Kështu, shumica prej nesh hallakatemi me i shti turrshitë, me e nxanë ajvarin e pekmezin, pse jo edhe ndonji reçel a ndonji lutenicë a pinxhur. E dorën n’zemër, ku e ban n’mend sa shijojnë, nime po ja vlenë edhe mundi e koha që po e shpenzojmë n’përgatitjen e këtyre ushqimeve.
A je prej atyne që ke qejf me përgatit’ e me hangër turrshi, por s’ke mjaftueshëm kohë me e ba nji gja t’tillë? Mos u shqeteso, se na ta kemi gjetë qaren ma praktike e ma kohëkursyse, falë recetës “instante” t’lulelakrave turrshi; recetë kjo që t’kursen kohë e nuk don shumë punë, por edhe asht e gatshme me u hangër menjiherë mbas 2 ditëve
PËRBËRËSIT PËR 2 TEGËLLA 1 kg:
1 lulelakër (e prerë n’copë)
1-2 speca pikant (t’prera n’rriska)
1/2 spec jalapeno / spec i gjelbërt i djegëst (i prerë n’rriska)
3 thelpinj hudhër (t’prera n’rriska)
3-4 lugë gjelle lang limoni
PËRBËRËSIT PËR SHËLLIRËN (UJIN E TURRSHIVE):
1 e ½ gotë uthull e bardhë e distilume
1/2 gotë uthull molle
2-3 lugë gjelle sheqer
1 e ½ lugë kripë deti
PËRGATITJA:
N’teglla t’sterilizume shto copëzat e lulelakrës bashk me hudhrat dhe specat e prerë n’rriska. Pasaj bashko ujin, uthullën, sheqerin dhe kripën n’texhere, përzije masën derisa kripa e sheqeri t’treten plotësisht dhe deri sa masa ta marrë 1 valë. Shto gradualisht shëllirën n’tenxhere deri sa krejt lulelakrat t’mbulohen me to. Mbylli tegllat me kapak mirë, shkundi ato dhe vendosi n’frigorifer me qëndru për 2 ditë.
REZULTATI:
Mundesh me fillu me i hangër turshitë menjiherë pas 2 ditëve ditëve qoftë me krelanë t’kallamojt’, qoftë me speca t’mbushun, apo çkado që ta don zemra.
Megjithatë ke kujdes, sepse prej momentit që hapet teglla, turrshitë i ke t’ngranshme për 3-4 javë – jo ma gjatë.
Poashtu, nëse veç je n’disponim për turrshi t’tjera, këtu mundesh me gjetë edhe recetën e kastravecave t’djegëst turrshi apo edhe recetën e qepëve turrshi, t’cilën mundesh me i përgatitë po aq lehtë – madje, e konsumon edhe n’kohë ma t’shpejtë.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
