Me përgatitë e me hangër ushqim shtëpije brenda pak minutave çdoherë e ma shumë po asht alternativë ma efikase, por edhe ekonomike. Andaj edhe ne vazhdimisht po provojmë me sjellë receta që janë t’lehta, t’shpejta dhe t’përshtatshme për ma shumë vakte, sepse, edhe vet po gjindemi n’situata ku nuk po dijmë çka me hangër.
Nëse je merakli/ke i/e tostave t’cilat lirisht mundesh me i përgatitë o për mëngjes, o për pauzë e o për darka pak ma t’lehta (asi darka që je untë, por s’ke qejf me e tepru). Receta jonë e radhës definitivisht ka me t’ofru super-shije po e provove. E për me e kompletu këtë super-tost, t’duhen veç 5 minuta dhe shumë pak përbërës.
PËRBËRËSIT (servimi për 1):
2 rriska buke t’bardhë (t’rreshkuna n’toster)
4 lugë gjelle djathë dhie (i grirë/ shtypun imët)
2 lugë gjelle pesto
2 kastraveca t’vegjël (t’prerë n’rriska t’holla)
Kripë dhe biber i zi (Opsionale)
HAPI 1:
Vendosi rriskat e bukës n’toster e leji me u rreshkë për 3-4 minuta. Merr për secilën rriskë nga 2 lugë djathë dhie dhe lyji rriskat mirë.
Mundesh me e lexu edhe…
HAPI 2:
Sipër djathit lyje bukën me 1 lugë pesto dhe sigurohu me e përhapë masën mirë. Shto me rend rriskat e holla t’kastravecit mbi tost, kripë e biber për ekstra shije dhe servo.
REZULTATI:
Njilloj sikurse edhe tosti me salmon dhe djathë dhie, ky tost ma s’miri shijon i shoqnum me nji filxhan kafe, ose çaj me xhenxhefil dhe shafran për mëngjes. E nëse don fuqishëm me nisë ditën, për ekstra energji ta rekomandojmë me i shoqnu këto rekomandime me ndonji smoothie, sikurse asht smoothie me dredhëza dhe kungulleshë, ose smoothie me bostan.
Ngjashèm, shpejt dhe me shumë pak mund ti mundesh me i përgatitë edhe këta tosta: tostin me avokado dhe tomatina, dhe tostin me rikotë dhe tomatina. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
