Kur bëhet fjalë për pushimet në Evropë, qytetet e mëdha si Roma dhe Barcelona zakonisht marrin të gjithë vëmendjen. Megjithatë, mes të gjitha atraksioneve dhe turistëve që bëjnë selfie, ka qytete të panumërta simpatike në Evropë ku nuk ka radhë apo turma. Pavarësisht madhësisë së tyre të vogël, ato ende ofrojnë arkitekturë të shkëlqyer dhe mjedise të bukura natyrore, për të mos përmendur cilësinë e kohës së shpenzuar
Evropa është plot me qytete të vogla që janë si nga një përrallë, me arkitekturë të bukur dhe trashëgimi të pasur kulturore. Ato jo vetëm që dallohen nga kjo, por kanë një pasuri të veçantë që ua rekomandon udhëtarëve t’i vizitojnë. Ata janë ende nën radarin turistik, dhe jo të rënduar nga turizmi masiv. Pikërisht për këtë qytetet ballkanike, Mostari, Pirani dhe Korçulla ishin ndër qytetet e vogla më të bukura në Evropë.
Mostari
Mundesh me e lexu edhe…
CNN thekson se Mostari është një nga simbolet më të njohura të Bosnjës dhe Hercegovinës, si dhe të rajonit. Mostari është një nga shembujt më të mirë të arkitekturës së ruajtur dhe autentike islame në Ballkan. Në qytet ka shumë pamje historike interesante dhe ndërtesa tërheqëse arkitekturore, dhe thesari më i madh i Mostarit është popullsia e tij mikpritëse dhe miqësore.
Korçulla është një nga qytetet e vogla që ka hyrë në listën e CNN për më të bukurat në rajonin tonë. Përsa i përket Korçullës, autorët e raportit deklarojnë se është një qytet i klasit botëror, me rrugë të bardha dhe ndërtesa të gdhendura nga guri vendas. Korçulla është gjithashtu ishulli më i populluar kroat. Është interesante të theksohet se ky është i vetmi ishull i madh në Kroaci, emri i të cilit është femëror.
Sipas CNN, Pirani u krijua nga venecianët, të cilët e pushtuan atë në 1283. Thuhet se Pirani është një mini Venecia, një qytet me arkitekturë dhe traditë të jashtëzakonshme. Qyteti mbizotërohet nga kambanorja, sheshi Tartini që zë vendin qendror dhe varkat e peshkimit janë ankoruar në portin e vogël.
Nuk ka shumë hotele në Piran dhe shpesh ato janë disi të fshehura dhe të integruara me shumë shije në ambientin e qytetit. Tërheqja magjike e Piranit qëndron në faktin se edhe në pikun e sezonit mund të shoqërohesh me vendasit për të cilët turizmi dhe hoteleria nuk janë punë, por rutinë dhe mënyrë e veçantë jetese.
Ndër qytetet e tjera më të bukura janë Reine nga Norvegjia, Regencos nga Spanja, Tarnow nga Polonia. Aty janë edhe Kenmare nga Irlanda, Giethoorn nga Holanda dhe Guinmaraes nga Portugalia. Në listë përfshihen edhe Roscoff nga Franca, Anghiari nga Italia, Nafplio nga Greqia, Mazara del Vallo nga Siçilia, Covelly nga Britania dhe Dinkelsbuhl nga Gjermania./Katror.info
Përgatiti:
