Mëngjeset e nisuna mirë, janë ato mëngjese ku ushqehemi mirë. Andaj edhe asht mirë me e përgatitë nji mëngjes t’mbushun me vlera ushqyese e t’shnetshëm. Qata pjatat e kombinume me vezë janë ideale për nji super-mëngjes kampionësh e pse jo edhe ndonji vikend dembel a “Brunch” – e edhe shkencëtarët tashma e kanë dëshmu se 1 ve n’ditë asht mirë edhe për zemër. E ne nuk kemi qysh mos me i marrë për bazë këto këshilla t’ekspertëve e me t’furnizu me ide t’mira.
Ndreçja vehtës ditën me 1 prej 5 kombinimeve tona për mëngjes me ve n’sy; kombinime këto sa t’thjeshta e t’lehta, po aq edhe t’shijshme, t’ngopshme e t’shnetshme e që edhe ni amater /e n’kuzhinë mundet me ja dal me i përgatitë pa pasë nevojë me u lodhë shumë, por as me shpenzu shumë harxh.
1. Ve, tost, avokado, tomatina balsamike dhe boronica
Kombinime t’tilla definitivisht munden me u konsideru mëngjese kambionësh, meqë vērtetë krejt çka ish dasht’ me e marrë prej vlerave ushqyese e ke n’pjatë. Kështu, 1 ve e fërgume, 1/2 e avokados e pak bukë integrale, 1 grusht boronica e pak tomatina t’përgatituna me uthull balsamike e borzilok janë krejt çka t’nevojiten për kërë sygjerim. E për ekstra shije mundesh sipër vezës me e shtu do biber me fara speci. Po pate qejf, shoqnoje këtë pjatë mëngjesi me 1 gotë smoothie me mjedra dhe gjalpë kikiriku.
Mundesh me e lexu edhe…
2. Ve, tost, avokado, kashkavall, tomatina, spec dhe boronica
- Advertisement -
Ngjashëm me rekomandimin e sipërm, edhe kombinimi i radhës asht prej atyre pjatave që lehtësisht me pak harxh arrinë me i plotësu kërkesat e organizmit për me qëndru i/e ngopun deri n’drekë. Mjafton me fërgu 1 ve e me ja bashku pjatës 1 rriskë kashkavalli, 1 grusht tomatina bashk me 1 gjysmë speci t’kuq, 1 grusht boronica e 1 rriskë t’rreshkun buke. N’kombinime si kjo – thjeshtësia e ban t’vehtën. Po pate qejf me e forcu imunitetin, atëherë shoqnoje këtë pjatë mëngjesi me 1 smoothie me mollë dhe rrepë t’kuqe.
3. Ve, bukë integrale, avokado, tomatina, salmon i tymosyn dhe boronica
Eh, ky kombinim asht pak ma ekstravagant e ma i kushtueshëm, por definitivisht ja vlenë me ja ba qejfin vehtës najherë e me e kriju nji pjatë nordike mëngjesi. Kështu 1 ve n’sy, 1 grusht tomatina, 2 rriska bukë integrale, pak salmon i tymosun dhe 1/2 e avokados janë krejt çka ke nevojë me e kriju nji pjatë si kjo. E për ekstra shije, mundesh me e spërkatë pjatën me pak biber me fara speci apo edhe biber t’zi. E për 1 mëngjes multi-vitaminoz, mos e le pa ja bashkangjitë këtij rekomandimi edhe 1 smoothie me karrota dhe banane.
- Advertisement -
4. Ve me speca, tost integral me krem-djathë, avokado e domate dhe dardhë
Që n’pjatat e mëngjesit asht mirë me konsumu edhe ndonji frut, asht gja e ditun. Kësaj radhe pjatës me ve n’sy bashkangjitja 1/4 ose 1/2 e nji dardhe, dhe pak speca t’kuq t’grirë imët. Poashtu, krijoje nji tost integral me krem-djathë, avokado dhe domate. Oregano e biber me fara speci mundesh me i shtu pjatës poo që se parapëlqen këto erëza. Ndërkaq, për pak ma shumë ambëlsi dhe shije, smoothie me dredhëza dhe ananas asht pija ideale e kësaj shujte.
5. Ve, tost, avokado, tomatina balsamike dhe boronica
Nëse je prej atyre që nuk ta merr mendja që ngihesh veç me 1 ve, atëherë fërgoji 2 e bashkoji n’pjatë bashk me 1 rriskë integrale, kashkavall e pak domate, shto 2 lugë gjelle misër t’konservum dhe pak gjethe t’freskëta borziloku ose magdanozi. Mos harro me i shtu edhe pak biber me fara speci për shije vezëve. Poashtu, kësaj pjate mundesh me ja shtu edhe 1 gotë t’smoothie-t me mollë dhe shegë; smoothie ky që nime ditën ta ndreçë.
E meqë jemi tek rekomandimet për mëngjes, ne e dijmë sa e vështirë asht me i shti picimulët me hangër n’raste t’caktume, veçanarisht kur janë ma t’vegjël dhe e ngrijnë krytë lidhje palidhje. Andaj për ty që ke fëmijë t’vegjël, qe 4 ide se çka me ju përgatitë fëmijëve për mëngjes. Besa, përveç këtyre rekomandimeve, jemi t’bindun që edhe muffin-vezët me spinaq dhe djathë munden me ju pëlqy vocërrakëve, andaj provoji. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
