Spinaqi asht nji prej ushqimeve ma t’shnetshme që mundemi me i hasë n’natyrë e që lirisht mundemi me thanë se e pasurojnë n’mënyrë unike e autentike secilën recetë. Biles, për vegjetarianët dhe veganët, përgagtitja e spinaqit n’mënyra t’ndryshme arrinë me ofru shije interesante e që lehtësisht munden me u përgatitë dhe që nuk marrin shumë kohë.
Recetat me spinaq janë nji prej mënyrave ma t’mira t’mundshme me i përfshi edhe ushqimet e gjelbra n’gatesa dhe me i marrë vitaminat e nevojshme. Besa ti mundesh edhe me u forcu e me u kënaqë t’u hangër mirë e gjelbër, po i provove 8 recetat tona, ku secila asht ma e mirë se tjetra.
1. PASTA KREMOZE ME DOMATE DHE SPINAQ
Pastat kremoze me domate dhe spinaq t’cilat mundesh me i përgatitë t’u i ndjekë disa hapa tepër t’thjeshtë, janë sygjerimi jonë për ty që je n’kërkim t’recetave t’reja, qoftë për drekë apo darkë. Mjafton me i përcjellë udhëzimet tona, e me t’dalë ushqimi me plot shije.
2. SMOOTHIE ME ANANAS DHE SPINAQ
Smoothie me ananas dhe spinaq asht pikërisht prej atyre smoothie-ve t’cilat ja vlenë me i konsumu n’baza javore apo ditore dhe që definitivisht veç çka mundet me t’ba mirë. Andaj, n’raste si kjo; ku ke ra n’recetë t’mirë e t’lehtë racionet për smoothie me ananas dhe spinaq asht krejt çka t’duhet me ba këtë vikend gati për tan’ javën.
Mundesh me e lexu edhe…
3. FRITATTA ME SPINAQ DHE DJATHË DHIE
Fritatta me spinaq dhe djathë dhie asht nji gatesë perfekte me u përgatitë kur je vet i/e katërti/a e kur nuk ke nerva me mbetë gjatë n’kuzhinë, sepse, nuk don shumë punë e as shumë harxh. Këtë e kanë dëshmu recetat paraprake e ka me e dëshmu edhe receta e radhës me spinaq dhe djathë dhie.
4. QUESEDILLA ME PASUL DHE SPINAQ
Kuzhina meksikane asht nji ndër kuzhinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. Quesedillas me pasul dhe spanaq janë nji gërshetim autentik i kesedijave meksikane me përbërës jo bash meksikan, por plot shije e që mundesh brenda 10 minutave me e pasë hazër.
5. SUPA KREMOZE ME TORTELLINI DHE SPINAQ
Supa kremoze me tortellini asht super receta jonë e radhës t’cilën kur ta provon ke me u bindë që t’u ka dashtë n’jetë, por nuk e ke ditë. Supë e pasta kombinohen n’mënyrën ma perfekte t’mundshme, duke e ofru kështu t’mirën e dy botëve: ngrohtësisë t’gjellës dhe ngopshmërinë e pastave.
6. TOST ME SPINAQ DHE DJATHË FETA
Tosti me spinaq dhe djathë feta asht tosti ideal për meraklitë e spinaqit e t’cilin kushdo mundet lehtësisht e shpejt me e ba gati, qoftë për mëngjes, pauzë apo darkë. Plot shije prej spinaqit e kremozitet prej djathit t’shkrifët – ky tost po që asht nji prej favoritëve t’tanë – e ti, mos e le pa e provu!
7. MUFFIN-VEZË ME SPINAQ, KËRPUDHA DHE DJATHË
Muffin-vezët me spinaq, kërpudha dhe djathë, njilloj sikurse edhe fritatta-t, janë gatesa perfekte me u përgatitë kur ke shumë njerëz me ushqy për mëngjes e nuk don me harxhu shumë kohë n’kuzhinë. Ideale, praktike por edhe joshëse si për t’mëdhenjt, ashtu edhe për t’vegjlit këto kafshata ja vlenë me i provu.
8. PASTA-SALLATA ME SPINAQ DHE RREPË T’KUQE
Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat). E pasta-sallata me spinaq dhe rrepë asht 1 prej qatyne sallatave që s’ban pa i provu.
Shijoje secilën prej pjatave n’çfarëdo kohe, qoftë për drekë a darkë e kënaqu me shijen e benefitet që t’i ofron spinaqi i përfshirë n’secilën prej rekomandimeve t’tona. Poashtu, lirisht modifikoji këto sygjerime dhe përshtati sipas shijes e preferencave t’tuja – mjafton mos me i lanë domatet anash. Shijo! / katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
