Sado me qenë person që kujdeset n’ushqim dhe nuk janë bash gjithëçka, shancë nuk ka pa lakmu nonji herë me hangër ndonji ambëlsinë, çokollatë a keks. Mirëpo, shyqyr që falë internetit e trendeve “Healthy” t’përgatitjes t’recetave t’ndryshme ne po arrijmë që recetave ma t’preferume me ua gjetë alternativën pak ma t’shnetshme. Kështu, keksat e tërrshanës dhe keksat e tërrshanës me thana e kanë dëshmu se janë prej receta t’lehta me i përgatitë, t’shijshme, por edhe ma t’shnetshme.
Bombicat proteinike janë sygjerimi jonë i radhës, për ty që i rrin ushqimit, shnetës e vehtës gati. Krejt çka t’duhet për përgatitjen e tyre asht pak harxh, kohë e pak vullnet me i ndjekë 2 hapa fort t’thjeshtë.
PËRBËRËSIT:
¾ gotë miell bademash
½ gotë proteinë pluhur vanille
½ gotë miell tërrshane
3 lugë gjelle mjaltë
¼ gotë ujë
2 lugë çaji ekstakt vanille
Kanellë (Opsionale)
SHIJET OPSIONALE:
¼ gotë copëza çokollate (Chocolate chips)
¼ gotë grimca bonbonesh (Sprinkles)
¼ gotë thërrmija kokosi
HAPI 1:
Shto miellin e bademave dhe tërrshanës n’nji enë t’thellë. Shto pluhunin proteinik, kanellën dhe ekstraktin e vanillës e përzije masën mirë.
Mundesh me e lexu edhe…
HAPI 2:
Shto edhe uji, thërrmijat e çokollatës / sprinkles / kokosit dhe përzije masën deri sa t’krijohet nji formë brumi. Ngjeshe brumin mirë, vendose n’frigorifer me u ftohë për 20 minuta. Nxjerre dhe krijo toptha / bombica prej tyre. Servo.
REZULTATI:
Servoji bombicat menjiherë, apo vendosi n’frigorifer e haji kohë pas kohe, merri me vehte për punë ose jepja fëmijëve kur kërkojnë diçka ambël. Ti poashtu mundesh me shfrytëzu lëvore portokalli, fruta t’thatë e çkado tjetër për me i kombinu bombicet, sepse, rekomandimet tona janë vetëm disa nga variacionet t’cilat ti mundesh me i kriju. Pra, nuk ke nevojë me u kufizu n’këtë aspekt. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
