Disa mëngjese gjithçka shkon siç duhet. Gjumi të del para alarmit, vrapimi i mëngjesit të duket lojë, kafja ka shije ma të mirë, edhe nuk ki trafik rrugës për në punë.
Por, jo krejt ditët tona shkojnë në këtë mënyrë.
Përderisa ne s’mundemi me parandalu çdo situatë fatkeqe që mundet me ndodh gjatë ditës, ekspertët thonë se ti mundesh me i inkuraju mëngjeset tua për me përfitu sa më shumë prej pjesës tjetër të ditës. Lexo ma poshtë të rënditura nëntë gjëra që arrijnë me bo ditën tënde sa ma produktive.
Mundesh me e lexu edhe…
Planifiko përpara!
Një prej gjërave ma produktive që mundesh me bo për me nis ditën me ‘këmbë të mbarë’ duhet me u realizu në fakt një ditë më parë, para gjumit. Sipas ekspertes së produktivitetit, trajneres Ellen Goodwin, është shumë e nevojshme me pas një plan paraprakisht.
Nuk ka nevojë që gjithçka të jetë e planifikuar minutë pas minute, por detyrat ose sendet kryesore që don me i përmbush ditën tjetër duhet me qenë të përcaktuara, përshembull, si dëshiron me i kalu orët e para të ditës.
Rezistoj ‘snooze-it’
Ty të duket sikur po e dëgjon trupin tënd kur po i jep vetes ekstra minuta gjumë çdo mëngjes, por në plan afatgjatë po bën ma shumë dëm sesa mirë. Kjo për shkak se ato 10 minuta shtesë që ti i mbyll sytë konsiderohet si gjumë me cilësi të ulët, pasi që kjo kohë nuk është mjaft e gjatë që trupi yt me kalu një cikël tjetër gjumi (që zgjat rreth 90 minuta).
Ritmet tona të gjumit kanë një rol të madh në rregullimin e niveleve të energjisë dhe metabolizmit, prandaj rregullimi i orarit të gjumit është një ndër gjërat ma kryesore që mundesh me i bo për me u ndje energjik dhe gati për mu zgju mëngjes pas mëngjesi.
Pi ujë
Shtoni limon, akull ose kastravec – ose thjesht pije direkt. Nëse pijmë një ose dy gota ujë në mëngjes, ne ndihmojmë rimbushjen e rezervave të hidratimit të trupit tonë.
Medito
Disa njerëz mund të mos ndiejnë domosdoshmërisht një nxitje energjie nga meditimi, por për shkak se na ndihmon të mendojmë në mënyrë më efikase, një mëngjes që përfshin pak meditim ndikon që ti me pas një ditë shumë ma produktive.
Sipas Goodwin, nëse ke problem me i ndal shqetësimet ose mendimet, atëherë edhe mbajtja e një ditari apo ngjyrosja japin të njëjtin efekt qetësues të meditimit, të cilat munden me u shfrytëzu si parapërgatitje për meditim.
Ushtro
Mbledhe energjinë për me fillu me u djersit, sepse ky aktivitet defenitivisht ka me tu shpërbly herët a vonë. Ushtrimi liron endorfinë – kimikate që prodhohen në tru dhe ndihmojnë në minimizimin e dhimbjes, shqetësimit dhe në rritjen e mirëqenies.
Endorfina gjithashtu zvogëlon hormonet e stresit dhe të ndihmon me fillu ditën me kontroll.
Dil në rreze të diellit
Marrja e rrezeve të diellit në mëngjes i tregon ‘orës së trupit’ tonë se është koha për me fillu ditën.
Ekziston një fushë e tërë kërkimi (kronobiologjia) që tregon se drita është ajo që e shtyn trupin të ndalojë prodhimin e melatoninës – hormonit që i thotë trupit të flejë dhe të jetë më vigjilent.
Bëni kafe/çaj (në shtëpi)
Nëse mendon se e vetmja mënyrë për me u zgju mire nga gjumi është kur ti e pin një filxhan kafe ose çaj – mos e ndal këtë zakon. Ka shumë të dhëna që tregojnë se kafeja ndihmon shumicën e njerëzve të ndihen më vigjilentë dhe më pak të mërzitur. Shumë studime tregojnë se pirja e saj (me moderim) në fakt ka edhe disa përfitime shëndetësore.
Ha mëngjes
Ushqimi është vendi ku trupi yt merr energji – kështu që ka kuptim që me fillu ditën tënde me ushqim. Metabolizmi ynë funksionon më mirë herët në mëngjes.
Kjo do të thotë se trupi është më në gjendje t’i kthejë kaloritë që hajmë në energji, në mënyrë që ne me shfrytëzu atë gjatë ditës.
Kalo kohë me familjen dhe miqtë❤️
Vendose një orë për me dal me vrapu me dikë prej shoqërisë. Merr kohë për mëngjes me familjen tënde. Thirre në telefon personin që t’bon me buzëqesh derisa je tu u përgatit ose tu shku në punë.
Me qenë i rrethum nga njerëz që të pëlqejnë dhe i don mundet me ndiku në nxitje të madhe të humorit dhe niveleve tua të energjisë.
Përgatiti:
