Sukseset e shqiptarëve tashmë kanë pushtuar kufijtë ndërkombëtarë.
I tillë është edhe suksesi i këngëtarit lirik të nivelit Bariton, Gëzim Myshketa, i cili së fundmi ishte pjesë e festivalit veror “Arena di Verona”, në Itali, ndër më prestigjiozët në botë sa i përket operas.
Pas performancës së “Carmen”, kryeveprës së Bizet, Myshketa u duartrokit nga publiku në sheshin qendror të Veronës, për 100-vjetorin e themelimit të festivalit veror “Arena di Verona”.
Mundesh me e lexu edhe…
Gëzim Myshketa ka lindur në vitin 1982 në Durrës. KA studiuar për kanto duke rënë menjëherë në sy si një nga talentët më premtues të brezit të tij.
Ai u diplomua me nota maksimale në Konservatorin “Arrigo Boito” në Parma, nën drejtimin e mjeshtrave Giuliano Ciannella dhe Lelio Capilupi.
Vetëm 20 vjeç debutoi në rolin e Figaros në “Le Nozze di Figaro” nën dirigjimin e Antonello Allemandit dhe më vonë me fituesit e konkursit ndërkombëtar Giuseppe di Stefano Trapani.
Në vitin 2008 ai fitoi Konkursin Ndërkombëtar të Muzikës së Dhomës ” Francesco Paolo Tosti ” Ortona u bërë ylli i një turneu të suksesshëm në qytetet e mëdha të Japonisë.
Ai ka bashkëpunuar me dirigjentë të tillë si: Bruno Aprea, Philippe Auguin, Frédéric Chaslin, Fasolis Diego, Will Humburg, Daniel Oren, Nello Santi dhe drejtorë të tillë si Robert Carsen, Giancarlo del Monaco, Dante Ferretti, Pierluigi Pizzi, Graham Vick. /Katror.info
Përgatiti:
