Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ia huqë po i ndjeke udhëzimet. Kësisoji, receta jonë e kaqikave t’pjekun n’furrë (n’3 hapa t’thjeshtë), si dhe receta e pulës me marinadë greke, kanë mundësi me u përgatitë n’sasi ma t’madhe e me u kombinu me ushqime e perime t’ndryshme përgjatë shujtave.
Kaqikat greke janë kaqikat e pulës t’cilat po t’i rekomandojmë n’daç me hangër mirë, shnetshëm, me u ngi e mos me u lodhë shumë t’u përgatitë. Po ashtu, kjo recetë asht shumë e përshtatshme për kando që ruhet pak n’ushqim, ushtron, i kushton randësi vlerave ushqyese dhe preferon me marrë ushqimin e tepër t’drekës a darkës me vete n’punë.
PËRBËRËSIT PËR PULËN:
4-6 kaqika pule
1 filxhan kos të thjeshtë
2 lugë gjelle vaj ullini
4 thelpinj hudhre (t’grira)
1/2 lugë gjelle oregano
Langu dhe lëvorja e grirë e 1 limoni
1 lugë e mesme kripë
1 lugë e mesme biber i zi
1/4 tufë magdanoz (i grirë)
HAPI 1:
N’nji pjatë t’thellë shto kosin, langun dhe lëvoret e limonit, erëzat, hudhrën e grirë dhe vajin.
Mundesh me e lexu edhe…
HAPI 2:
Me lugë përzije masën deri sa krejt përbërësit t’jenë bashku e shpërba tanësisht. Shto kaqikat n’marinadë, përzije masën mirë dhe vendosi kaqikat n’frigorifer me u marinu për 30 minuta.
HAPI 3:
N’tepsinë e dëshirume shto kaqikat bashkë me marinadën dhe futi n’furrë t’nxehtë paraprakisht n’200 C.
HAPI 4:
Pjeki kaqikat për 10 minuta n’njanën anë, rrotulloji n’anën tjetër dhe vendose tepsinë n’furrë edhe për 15 minuta t’tjera. Largo pas 15 minutave dhe servo.
REZULTATI:
N’pjatat e dëshirume shto kaqikat grekë dhe sipër bashkangjitja pak rriska limoni për ektra shije dhe magdanoz. E nëse je duke mendu se me çfarë sallate mundesh me e shoqnu këtë super-pjatë, ne ta rekomandojmë kuskus sallatën me kastraveca dhe limon, e n’mënyrë perfekte kombinohet me shijen e kaqikave grekë.
Ti po ashtu, mundesh me e përgatitë këtë sasi e me e ba gati për ditë t’tjera që me e pasë gati qoftë për drekë a darkë, por edhe për kuti pauze. Madje, mundesh me e u inspirtu edhe prej recetës klasike t’pulës me marinadë greke, kutisë t’pauzës me perime dhe sallatë pule, apo edhe shujtës me gjoks pule, patate t’ambël dhe mini-lakra. Shijo! /katror.info/
Përgatiti:
