N’shije po synojmë me pru receta sa t’thjeshta, aq edhe t’shijshme, sepse jemi t’vetdijshëm që çdo herë e ma pak po kemi kohë me ju përkushtu kuzhinës – marrë parasyshë dinamikën me t’cilën po përballemi çdo ditë e ma shumë. Andaj, receta që s’marrin fort kohë e mund, çdo herë e ma tepër po janë t’mirë se ardhuna.
Nëse s’je t’u ditë çka me përgatitë, dije që kjo ide e jona asht fort interesante e e lehtë me u përgatitë. E ma e mira e kësaj recete asht që ta hjek merakun e 2 pjatave: meksikane e italiane n’1 vend. Pizzadillas janë nji gërshetim unik i picave italiane e kesedijave meksikane plot shije e që mundesh me i pasë t’gatshme për konsum brenda 10 minutave, n’3 hapa t’thjeshtë.
PËRBËRËSIT (2 SERVIME):
2 petë tortille
4 lugë gjelle sos domatesh
160 gr kashkavall (i grirë)
40 gr qepë t’kuqe (e prerë n’fije)
40 gr ulinj (t’prerë n’rriska)
40 gr spec (t’prerë n’fije)
Mundesh me e lexu edhe…
HAPI 1:
Merre petën dhe lyje gjysmën e saj me sos domatesh. Sipër vendose gjysmën e kashkavallit.
HAPI 2:
SHpërndaji fijet e qepës, specit dhe rriskat e ullinjëve në gjysmën e mbulume me sos e kashkavall, Vendos sipër pjesën e mbetun t’kashkavallit. Njejtë vepro edhe me petën tjetër.
HAPI 3:
Paloji petat n’dysh e vendosi n’tigan. Pjeki n’2 anët për nga 5 minuta n’temperaturë mesatare. Largoji, preji n’3 pjesë dhe servo me ekstra sos domatesh apo salcë pikante.
REZULTATI:
Pizzadillas janë ideale me u konsumu për drekë e pauzë, por edhe për ndeja e gosti ku pret shumë mysafirë e ke pak kohë. E njilloj sikurse edhe 4 rollatat t’cilat mundesh me i përgatitë për çfarëdo rasti, edhe pizzadillas janë prej atyne recetave që i madh e i vogël i han.
E n’ndërkohë që e shijon këtë kombinim Italiano-Meksikan, mësoji se cilat janë 6 faktet ma interesante për kuzhinën meksikane që nuk i ke ditë, e cilat 5 faktet për kuzhinën italiane.që nuk i ke ni ma herët. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
