Nëse je marakli/ke i/e kuizinës aziatike, jemi të bindur që tashmë ti ke disa njohuri bazike mbi llojet, kombinimet dhe mënyrën se si konsumohet e servohen llojet e ndryshme t’mishit e perimeve. E nëse je ka shqyrton opsione e truqe t’reja gatimi t’kuzhinës aziatike – atëherë ke ra n’recetën e duhun kësaj radhe.
Pula me marinadë soje dhe xhenxhefil asht receta aziatike e cila kombinohet me nji sërë ushqimesh tjera t’kësaj kuizine, qofshin ashto perime t’kavërdisuna, oriz apo noodles, gja që e ban edhe ma t’përshtatshme e praktike këtë recetë për përgatitje. Mjafton me i ndjekë udhëzimet tona t’thjeshta.
PËRBËRËSIT (për 2 servime):
2 gjoksa pule
2 thelpinj hudhre (t’grira imët)
1 lugë gjelle xhenxhefil (i grirë imët)
5 lugë gjelle sos soje
1 lugë gjelle vaj susami
1 e 1/2 lugë gjelle uthull orizi
PËRBËRËSIT OPSIONAL:
Fara susami
Qepë t’reja (t’grira imët)
Mundesh me e lexu edhe…
HAPI 1:
N’nji pjatë t’thellë shto t’gjithë përbërësit dhe masazhoje mishin mirë. Leje me qëndru n’marinadë n’frigorifer për t’paktën 2 orë që me e përthithë komplet langun dhe erëzat.
HAPI 2:
Merr mishin e marinum e bashk me langun e tepër vendose n’tigan t’nxehtë. Marinadën e teprume ruje. Leje mishin me u kavërdisë për 10 minuta n’njanën anë e edhe n’10 tjera n’anën tjetër. Shto marinadën krejt n’fund dhe lejoje sojën me u trashë e me kriju konsistencë gllazure (3-4 minuta), duke ndiku kësisoji që mishi me përthithë ma shumë shije. Largo prej tiganit dhe servo!
Mos harro: Për ma shunë sasi t’mishit veç përshtate masën e përbërësve t’marinadës.
REZULTATI:
Shto susam dhe gjethe t’prera imët t’qepëve t’reja për ekstra shije. Ndërkaq, sa i pëket servimit, preji gjoksat e pulës n’rriska t’gjata e servo me oriz, ose shfrytëzo t’njejëtën sasi t’marinadës me i kavërdisë edhe perimet dhe noodles e me i bashku me mishin e pulës.
Mos harro, mishin sa ma shumë e len me u marinu, aq ma shumë merr shije. Andaj, ti mundesh me e përgatitë pulën e me marinu, me e vendosë n’qese plastike e me futë n’frigorifer/friz. Kështu kurdo që t’duhet me përgatitë, mjafton me e nxjerrë qesen e me e lanë mishin me u shkri ngadale n’temperaturë dhome dhe me fillu me përgatitjen e tij. Kësisoji edhe ja kursen vehtës kohën, e mundesh me përgatitë shujta t’ndryshme për pauzë, t’ngjashme me kutinë e pauzës me gjoks pule dhe mini-lakra e patate t’ambël.
E po pate qejf me mësu edhe nonji marinadë tjetër për pulë, atëherë ta rekomandojmë me e provu pulën me marinadë greke, apo pulën me marinadë limoni dhe barishte – receta këto që nuk kanë me t’zhgënjy aspak. Shijo! /Katror.info
Përgatiti:
