Sallatë me tortellini, për juve që veç me sallatë nuk ngiheni

A je ka planifikon me pritë mysafir për ndonji mbledhi, festë a ditëlindje e nuk po din se çka me përgatitë? Ne e kemi nji super-recetë hazër për ty, veçanarisht nëse je merakli/ke i/e pastave, por i pëlqen edhe sallatat.

Contents

Sallata me tortellini asht super kombinim mes perimeve t’sezonës dhe pastave, specifikisht tortellini-ve me djathë. Kjo sallatë asht ideale nëse je n’mes nji dreke t’lehtë, sallatës e pastave, meqë tortellinit kombinohen n’mënyrën ma perfekte t’mundshme me perimet. E se çka, qysh e tek nevojitet për këtë pjatë plot shije, e tregojnë udhëzimet e maposhtme.PËRBËRËSIT:HAPI 1:HAPI 2:HAPI 3:HAPI 4:HAPI 5:REZULTATI:

Sallata me tortellini asht super kombinim mes perimeve t’sezonës dhe pastave, specifikisht tortellini-ve me djathë. Kjo sallatë asht ideale nëse je n’mes nji dreke t’lehtë, sallatës e pastave, meqë tortellinit kombinohen n’mënyrën ma perfekte t’mundshme me perimet. E se çka, qysh e tek nevojitet për këtë pjatë plot shije, e tregojnë udhëzimet e maposhtme.

PËRBËRËSIT:

1 kungulleshë e gjelbër (e prerë n’copa mesatare)
1 kungulleshë e njomë / verdhë (e prerë n’copa mesatare)
1 lugë çaji kripë
500 gr tomatina (t’prera n’mes)
1/2 qepë të kuqe (e prerë n’fije t’holla)
200 gr spinaq i njomë (i prerë n’copa mesatare)
1/2 gotë ullinj kallamata (t’prera n’rriska)
3/4 gotë dresing italian (vaj, uthull molle, oregano, kripë)
1/2 tufë magdanoz (i grirë)
50 gr parmezan (i grirë)
400 gr tortellini me djathë

HAPI 1:

Ziji tortellinit për 8-9 minuta dhe kulloji mirë.

HAPI 2:

Kungulleshave t’prera shtoju kripë dhe përziji mirë n’nji enë t’thellë.

- ADVERTISEMENT -

HAPI 3:

Prej tomatinat n’mes, qepën n’fije t’shkurta dhe spinaqin poashtu. Mos i harro as ullinjt.

HAPI 4:

Shto perimet n’enë bashk me tortellinit dhe sipër shto dresingun italian.

HAPI 5:

Shto edhe magdanozin e grirë imët dhe parmezanin. Përziji perimet me tortellini mirë, vendosi n’frigorifer për 30 minuta me u ftohë e pastaj servo.

REZULTATI:

Servo pastat me pak borzilok t’grirë imët sipër dhe copëza mocarelle po deshe. Shijoje këtë pjatë me nji gotë verë t’bardhë ose me nji gotë Aperol Spritz e kënaqu krejt.

E nëse je n’kërkim t’recetave t’reja për pasta, n’veçanti ato me shije freskuese e pranverore, atëherë provo me i gatu edhe pastat me sos limoni dhe bizele. Ne gjithashtu ta rekomandojmë me i përgatitë pastat kremoze me domate dhe spinaq, ose shpagetat vegjetariane. Ndërkaq recetë jo tipike t’pastave dhe definitivisht ma interesante n’shije, patjetër që ja lenë me kërku supën kremoze me tortellini. Shijo! /katror.info/