Sallatat e kanë nji t’mirë; që munden me u hangër si pjatë n’vehte, por edhe munden me qenë shoqnuese t’pjatave t’tjera. Megjithatë, edhepse fort t’shnetshme, jo t’gjithe njerëzit i pëlqejnë sallatat. E nji prej arsyeve kryesore asht mungesa e kombinimeve t’shijshme, sepse, shumica nuk eksperimentojnë me shije dhe përbërës, mirëpo ne jemi këtu me ta dëshmu t’kundërtën.
Sallata e rukollës me mollë dhe shegë asht sallata që DUHESH me e provu, veçanarisht nëse t’pëlqen me eksploru shije t’reja, unike, t’pazakonta. E pos që po tingëllon interesante si kombinim, kjo sallatë asht e pajisun me plot vitamina dhe vlera ushqyese dhe nuk don shumë punë.
PËRBËRËSIT:
1/2 shegë
1 mollë (e prerë n’rriska t’holla)
300 gr rukolla
60 gr arra (t’imtësume)
2 lugë gjelle vaj ullini
2 lugë gjelle mjaltë
2 lugë gjelle uthull balsamike
1 lugë ujë
1 lugë çaji oregano
1/4 lugë çaji kripë
Mundesh me e lexu edhe…
HAPI 1:
Shto vajin, uthullën balsamike, ujin, mjaltin, kripën dhe oreganon n’nji enë dhe përziji mirë.
HAPI 2:
Qëro shegën dhe ndaji mirë kokrrat. Copëto arrat me thikë dhe preje mollën n’rriska t’holla. N’nji enë t’thellë shto rukollën, mollat, shegën dhe arrat e sipër shto “dressing-un” e sallatës. Përzije sallatën mirë dhe servo. Asht mirë me e ditë se bazuar n’studimet e fundit, shega forcon dukshëm sistemin imunitar, madje e lufton edhe kancerin.
REZULTATI:
Kjo sallatë shkon shumë si shoqnuse e pjatave kryesore sikurse janë kungulleshat e mbushuna me pulë, apo edhe pastat me tomatina t’pjekuna.
E meqë jemi tek sallatat, mos e le pa i provu ndonjanën prej 4 super sallatave “virale” t’cilat i kemi rekomandu kohë ma parë, apo edhe krem sallatën me kastraveca. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
